Author: lensherra

Hátíðarsýning verður á Árum, álfum og tröllum, leiksýningu Leikfélags Sólheima í Þjóðleikhúsinu 24. maí næstkomandi. Leikfélag Sólheima var stofnað árið 1931 og á því 90 ára afmæli í ár. Leikritið Árar, álfar og tröll var frumsýnt í Sólheimaleikhúsinu á sumardaginn fyrsta, þann 22. apríl sl. Sýningin sló rækilega í gegn og uppselt varð á allar sýningarnar fimm. Verkið er skrifað af Hannesi Blandon og Guðmundi Lúðvík Þorvaldssyni en Lárus Sigurðsson gerði tónlistina. Verkið er skrifað sérstaklega í tilefni 90 ára afmælis Sólheima og er byggt á sögu Sesselju Hreindísar Sigmundsdóttur, stofnanda Sólheima. Sagan er sett í ævintýralegan búning. Guðmundur...

Aðalfundur Leikfélags Selfoss 2021 verður haldinn miðvikudaginn 12. maí kl. 20:00 í Litla leikhúsinu við Sigtún. Viðhöfð verða venjuleg aðalfundarstörf, m.a. stjórnarkjör og inntaka nýrra félaga.  Aðalfundir L.S. eru heimilislegir og í flesta staði léttir og skemmtilegir. Allir eru velkomnir. Sérstaklega er vakin athygli á því að nýir félagar geta gengið formlega í félagið á aðalfundi. Einnig er vakin athygli áhugasamra á því að skuldlausir félagar geta boðið sig fram í stjórn og varastjórn á aðalfundi (nýjir félagar líka). Auk þess er fundarmönnum frjálst að leggja erindi og fyrirspurnir fyrir fundinn í liðnum önnur mál. Tillögur til laga- eða...

Leikfélag Sauðárkróks  fagnar á þessu ári 80. ára afmæli en 9 janúar á þessu ári eru 80 ár síðan félagið var endurstofnað.  Af því tilefni er planið að heimsfrumsýna nýtt verk 7. maí næstkomandi sem heitir Á frívaktinni. Höfundur þess og leikstjóri er Pétur Guðjónsson. Sögusviðið er sjávarþorp, einhvers staðar á Íslandi á tímum síldaráranna þegar síldin var duttlungarfull og hafði mikil áhrif á lífsgæðin í sjávarþorpunum. Sagan gerist á þeim tímum þegar síldin er að hverfa frá Íslandsströndum. Daníel er tvítugur sendill hjá Kaupfélaginu en dreymir um að komast á sjó. Hann hefur reynt að komast að hjá...

Kómedíuleikhúsið kemur nú tvíelft til baka eftir síðasta samkomubann og  ætlar sér að frumsýna Bakkabræður með pompi og prakt þann 22. maí í  Kómedíuleikhúsinu í Haukadal, Dýrafirði. Þetta er önnur tilraun  leikhússins til að frumsýna verkið enda hvern hefði órað fyrir að eitthvað gæti farið úrskeiðis við að frumsýna verk um klaufabárðana Bakkabræður þann 1. apríl eins og upphaflegas var áætlað? Lögin í sýningunni eru sungin af Diddú við tónlist sem Björn Thoroddsen,  gítarleikari, samdi og flytur. Marsibil G. Kristjánsdóttir hannar  ævintýraheim leiksýningarinnar og gerir brúðurnar sömuleiðis. Leikari og þjónn brúðanna er Elfar Logi Hannesson, sem einnig er höfundur verksins ...