Flokkur: Vikupóstur

Leikfélag Hólmavíkur frumsýnir leikgerð af hinni ástsælu kvikmynd Stellu í orlofi næstkomandi föstudag. Stella er Íslendingum að góðu kunn, flest kunnum við fjölmarga frasa úr myndinni utanbókar enda er kvikmyndin samofin þjóðarsálinni. Gunnar Gunnsteinsson og Leikfélag Hólmavíkur hafa nú gert leikgerð fyrir svið eftir kvikmyndahandriti Guðnýjar Halldórsdóttur en Gunnar leikstýrir einnig sýningunni. Sýningin er samstarfsverkefni Leikfélags Hólmavíkur og Grunn- og tónskólans á Hólmavík. Leikarar og aðstandendur sýningarinnar eru því á öllum aldri auk þess sem ungmenni sjá um lifandi tónlistarflutning. Sýnt verður í Félagsheimilinu á Hólmavík 6. og 7. Mars, 2., 5. og 13. apríl en janframt verður farið...

Leikfélag Fjallabyggðar frumsýnir Þrek og tár, eftir Ólaf Hauk Símonarson í leikstjórn Maríu Sigurðardóttur þ. 5. mars. Þrek og tár virðist hitta einhverja taug í landanum enda hefur það verið sett upp víða um land á undanförnum árum. Raunveruleg saga verksins er af siðferðilegum toga: Útskúfun, fyrirgefning, umburðarlyndi, ást, mannúð. Leikritið inniheldur mikið af tónlist og fjölda sígildra dægurlaga sem fyrir löngu hafa skotið rótum í hjörtum Íslendinga. Sögusvið verksins er vesturbær Reykjavíkur í kringum 1961. Í upphafi hittum við Davíð, ungan og hæfileikaríkan tónlistarmann, sem snýr aftur heim til Íslands eftir nám erlendis. Sýnt er í Menningarhúsinu Tjarnarborg...