Author: lensherra

Leikhópurinn Á senunni verður með tónleika í Samkomuhúsinu á Akureyri 12. nóvember 2008, í samvinnu við Leikfélag Akureyrar. Paris at night er byggt á ljóðum Jacques Prévert og tónlist Joseph Kosma. Þýðingar ljóðanna eru eftir Sigurð Pálsson. Leikarar/söngvarar í sýningunni eru Jóhanna Vigdís Arnardóttir og Felix Bergsson.  Hljómsveitinni stjórnar Karl Olgeirsson, en auk hans eru í hljómsveitinni þeir Róbert Þórhallsson og Stefán Már Magnússon. Texti um Jacques Prévert verður fluttur af Gerard Lemarquis og leikstjóri er Kolbrún Halldórsdóttir. Sérstakur gestur á tónleikunum verður Edda Þórarinsdóttir söng- og leikkona, en hún mun meðal annars syngja tónlist Edith Piaf, sem hún lék...

Leikfélag Selfoss bíður upp á hið árlega Hugarflug sunnudaginn 9. október en þar fá leikfélagsmeðlimir og aðrir frjálsar hendur til að vinna stutt verk, ljóð eða tónlist eftir eigin nefi sem sett er saman í eina sýningu og sýnd í takmörkuðu upplagi. Að þessu sinni eru 5 atriði úr sitt hvorri áttinni og kennir þar ýmissa grasa s.s. rósrauðra riddara, misgóðra þjóna, brjálaðra kellinga og bolta með derhúfu. Allir eru þættirnir í léttum dúr. Leikendur eru í kringum 15, sumir reyndir en margir eru þó að stíga sín fyrstu skref með leikfélaginu. Leikendur í yngri kantinum eru stór hluti hópsins. Hugarflug...

Freyvangsleikhúsið sýnir á föstudags- og laugardagskvöld 7. og 8. nóvember sinn árlega Kabarett. Kabarettinn í ár ber heitið Skítt með Kerfil – tökum slátur! Löng hefð er fyrir því í Eyjafjarðarsveit að setja upp kabarettsýningu með frumsömdu efni þar sem atburðir líðandi stundar, innan sveitar sem utan, eru skoðaðir í spaugilegu ljósi. Tónlist skipar stóran sess að vanda en sýningin í ár er sérstaklega helguð því að 25 ár eru frá því að fyrsti Kabarettinn var settur upp í Freyvangsleikhúsinu. Á föstudaginn er fjölskyldusýning en að lokinni laugardagssýningunni er dansleikur með hljómsveitinni Æsir. Freyvangsleikhúsið hefur ákveðið að leggja sitt...

Föstudaginn 7. nóvember verður leikritið Vestrið eina eftir írska leikskáldið Martin McDonagh, frumsýnt á Nýja sviði Borgarleikhússins. Leikritið er fimmta verk leikskáldsins sem sýnt er á íslensku leiksviði og er hann því með ástsælustu leikskáldum landsmanna nú um stundir. Þröstur Leó Gunnarsson og Björn Thors leika óviðfelldna en um leið frekar brjóstumkennanlega bræður sem í kjölfar mikilla sviptinga, ákveða að reyna að lifa í sátt, iðrast og fyrirgefa hvor öðrum áralangar illdeilur og hatur. En leiðin til aukins þroska er erfið. Hnyttin samtöl og bleksvartur húmor einkenna þetta alvöru gamanverk. Það er Jón Páll Eyjólfsson sem leikstýrir, en hann...