Author: lensherra

Leikfélag Siglufjarðar hefur staðið í ströngu undanfarnar vikur. Í febrúar bretti fólk upp ermarnar og var hafist handa við æfingar á gamanleikritinu Héri Hérason eftir Coline Serreau. Guðjón Sigvaldason er leikstjóri en hann hefur áður unnið með Leikfélagi Siglufjarðar, síðast árið 2006 þegar Láttu ekki deigan síga Guðmundur eftir Eddu Björgvinsdóttir og Hlín Agnarsdóttur var sett upp. Frumsýnt verður föstudaginn langa, 10. apríl. Leikfélagið hefur fundið nýja sýningaraðstöðu í bænum, hús sem er staðsett að Norðurgötu 24 og er þekkt í daglegu tali sem Sigló. Hús þetta hefur áður hýst t.d. niðursuðuverksmiðju og rækjuvinnslu og virðist ætla að gegna...

Aðalfundur Bandalags íslenskra leikfélaga verður haldinn að Hótel Hlíð í Ölfusi dagana 1. og 2. maí 2009. Fundurinn verður settur föstudagsmorguninn 1. maí kl. 9.00 og honum slitið um hádegisbil laugardaginn 2. maí. Fundargestir eru boðnir velkomnir fimmtudagskvöldið 30. apríl. Engin skipulögð dagskrá er þá um kvöldið en fólk getur farið á leiksýningu hjá Leikfélagi Selfoss, notið þess að fara í heita pottinn eða bara spjallað hvort við annað.   Fundargerð aðalfundar 2008 er á vefsíðunni leiklist.is undir Bandalagið/Fundir og verður ekki send út. Skv. lögum Bandalagsins hafa aðeins þau aðildarfélög atkvæðisrétt á aðalfundi sem greitt hafa árgjöldin. Dagskrá...

Föstudaginn 3. apríl frumsýnir Leikdeild Ungmennafélags Biskupstungna gamanleikinn Sex í sveit eftir Marc Camoletti í þýðingu Gísla Rúnars Jónssonar. Sýnt verður í félagsheimilinu Aratungu og hefjast sýningar kl. 20.30. Leikstjóri er Gunnar Björn Guðmundsson. Leikurinn gerist í sumarbústað úti á landi. Húsráðandi hefur boðið hjákonu sinni í heimsókn yfir helgi, því eiginkonan ætlar að heiman.  Frúin hættir við á síðustu stundu, hjákonan er mætt og nú eru góð ráð dýr. Margt fer öðruvísi en áætlað var… Boðið er upp á léttan leikhúsmatseðil fyrir sýningarnar á Kaffi Kletti í Reykholti. Borðapantanir eru í síma 486-1310 og 847-5057. 2. sýning laugardaginn...

Föstudagskvöldið 3. apríl verða sýndar tvær óperur í uppfærslu Tónlistarskólans í Reykjavík í samvinnu við Íslensku óperuna. Þessi óperusýning sætir nokkrum tíðindum, því hér er um að ræða annars vegar frumflutning á nýrri íslenskri óperu, Gilitrutt eftir Þórunni Guðmundsdóttur, og hins vegar frumflutning á Íslandi á fyrstu óperu Rossinis, La cambiale di matrimonio. Leikstjórn er í höndum Þórunnar Guðmundsdóttur og hljómsveitarstjóri er Kjartan Óskarsson. La cambiale di matrimonio (Hjónabandssamningurinn) var samin af Gioachino Rossini (1792 –1868)  á örfáum dögum árið 1810, þegar hann var aðeins átján ára gamall. Hún er fyrsta ópera hans sem flutt var opinberlega. Librettóið er eftir Gaetano...

Kvikmyndafélagið Pegasus hefur verið á Sauðárkróki síðustu daga við æfingar og undirbúning vegna kvikmyndarinnar Roklands, sem byggir á samnefndri skáldsögu Hallgríms Helgasonar. Leikfélag Sauðárkróks hefur verið framleiðendum myndarinnar innanhandar og lagt til leikara í ýmis aukahlutverk. Það var éljagangur og norðangarri sem mætti leikurum og kvikmyndafólki á Nöfum ofan við Krókinn um hádegisbil á mánudag þegar fram fóru æfingar vegna jarðarfarar móður aðalsögupersónunnar Bödda, sem Ólafur Darri leikur. Leikfélag Sauðárkróks, sem heldur uppá 120 ára afmæli sitt í ár, útvegaði til jarðarfararinnar allnokkurn fjölda eldri leikara. Nokkrir þeirra leikara sem þar voru eiga að baki áratuga leikferil með LS,...