Author: lensherra

Sunnudaginn 31. október frumsýndi Leikfélag Sauðárkróks barna- og fjölskylduleikritið um eðaldrengina Jón Odd og Jón Bjarna eftir Guðrúnu Helgadóttur. Áætlaðar voru 8 sýningar og var uppselt á flestar þeirra svo nú hefur verið ákveðið að bæta tveimur sýningum við. Þessa góðu aðsókn má líklega að nokkru leyti rekja til þess að miðaverð var lækkað umtalsvert í tilefni þess að nú hefur Leikfélag Sauðárkróks sýnt barnaleikrit á haustin 10 ár í röð. Er miðaverð á sýninguna því einungis 1000 krónur. Þá hefur foreldrafélag Árskóla niðurgreitt leikhúsmiða fyrir yngstu bekkina undanfarin ár, en ákvað í ár að 1., 2. og 3....

Gagnvirka netleikhúsverkið Herbergi 408 var tilnefnt til verðlauna í Prix Europa, keppni evrópskra ljósvakamiðla í flokknum Nýir miðlar nú á haustdögum. Prix Europa eru virt verðlaun í Evrópu en að keppninni koma opinberar sjónvarps- og útvarpsstöðvar í Evrópu og er t.a.m. RÚV aðili að keppninni. Tilnefnd eru verk í mörgum flokkum bæði heimildaefnis og leikins efnis og bárust mörg hundruð verk frá 35 löndum í keppnina í ár. Hrafnhildur Hagalín og Steinunn Knútsdóttir höfundar verksins héldu til Berlínar í október þar sem keppnin fór fram til þess að kynna verkið fyrir dómnefnd. Mikla athygli vakti að  Netleikhúsið Herbergi 408...

Föstudaginn 30. október frumsýndi Leikfélag Keflavíkur í samstarfi við Nemendafélag Fjölbrautaskóla Suðurnesja söngleikinn Slappaðu af eftir Felix Bergsson í leikstjórn Valgeirs Skagfjörð. Danshöfundur er Bryndís Einarsdóttir. Verkið gerist á 7. áratug síðustu aldar en það voru miklir umbrotatímar á Íslandi eins og annars staðar í heiminum. Við sögu koma ást, hatur, sorg, gleði, vinstri, hægri, Rússland, Bandaríkin, karlemba og kvenréttindi! Þegar LK og NFS tóku ákvörðun um að vinna saman að uppsetningu kom aldrei annað til greina en að verkefnið yrði söngleikur með leikurum frá hvoru félagi 16 ára og eldri. Svo vitnað sé í orð leikstjórans þá er...

Á laugardaginn kemur, þann 6. nóvember, flytur Gaflaraleikhúsið formlega í höfuðstöðvar leiklistarinnar í miðborg Hafnarfjarðar. Athöfnin hefst klukkan 14:00 í gamla Gúttó við Suðurgötu 7 (fyrir aftan Þjóðkirkjuna) sem um langan aldur var hjartað í leiklistarstarfi Hafnfirðinga. Þar stendur uppi yfirlitssýning Leikminjasafns Íslands um sjónleikjahald í Firðinum. Brugðið verður á leik á gamla leiksviðinu mannhæðarháa, sem margir Hafnfirðingar, ungir jafnt sem aldnir, eiga góðar minningar frá. Síðan verður haldið niður í húsið, sem áður hýsti m.a. Vélsmiðju Hafnarfjarðar og Hafnarfjarðarleikhúsið, á Strandgötu 50, þar sem fleiri leikrænar uppákomur bíða gesta auk veitinga í þjóðlegum stíl. Þannig flyst kyndill leiklistar...

Leiklistarhópur unglingadeildar Dalvíkurskóla frumsýnir nýtt leikverk föstudaginn 5. nóvember í Ungó. Nefnist það Saga hússins… og er eftir Arnar Símonarson og leikhópinn. Dalvíkurskóli og Leikfélag Dalvíkur eru nú enn og aftur í samstarfi í tengslum við leiklistarvinnu með unglingum í Dalvíkurbyggð. Er þetta í sjötta sinn sem farið er í samstarf af þessu tagi. LD leggur fram húsnæði til afnota í 6 vikur fyrir þessa vinnu, endurgjaldslaust og félagsmenn, auk foreldra nemenda aðstoða auk þess varðandi búninga, leikmuni og fleira. Leiklist er kennd sem valgrein í 8.,9. og 10. bekk í Dalvíkurskóla og hvorki fleiri né færri 28 nemendur...