Author: lensherra

Verið er að setja saman 10-12 manna hóp fyrir leiklistarnámskeiði fyrir áhugafólk hjá Árna Pétri Guðjónssyni.  Námskeiðið hefst í byrjun nóvember og mun standa að öllum líkindum fram í mars.  Þetta er frábært tækifæri fyrir leiklistaráhugafólk, og sérstaklega fyrir þá sem vilja undirbúa sig fyrir inntökuprófin í Leiklistardeild Listaháskólans næsta vor. Árni Pétur er frábær leiklistarkennari og í gegnum tíðina hefur hann hjálpað ófáum nemendum að komast inn í skólann.  Námskeiðið byrjar mánudaginn 31. október og verður 10 mánudaga í röð (frá 20:30-22:30, s.s.2 klst í senn). Staðsetning: Engjateig 5, Jógastöðinni og verð er 13.000.- kr. Áhugasamir sendi Gunnari Hanssyni...

Danski leikhópurinn Scene 1 verður í Norræna húsinu í Reykjavík frá 11.–15. október 2005. Heimsóknin er hluti af ferð til Íslands og Færeyja og hópurinn hlakkar til að kynna brúðu- og grímuleiksýninguna „Konan frá hafinu“ og grímunámskeiðið „Ferð töframannsins“. Konan frá hafinu Hugmyndin að leiksýningunni „Konan frá hafinu“ er fengin úr gamalli norrænni þjóðsögu. Þar segir frá einmana manni, sem verður ástfanginn af villtri selkonu og heldur henni á landi í sjö ár með því að læsa selhaminn hennar niður í kistu. Í leiksýningunni blandast saman leiklist, tónlist, ljóð og brúðuleikhús – allt getur gerst og hvað sem er getur lifnað við, t.d. gríma, skór, flaska eða bindi. Meðan á leiksýningunni stendur spinnur sögumaðurinn Sedna langa örlagaþræði í kringum manninn og selkonuna í grátbroslegri ástarsögu um krafta sem eru mun öflugri en vilji mannskepnunnar. Gagnrýnandinn Karen Gårdhus skrifaði um leiksýninguna þegar hún var sett upp á Vildskud-hátíðinni í Kaupmannahöfn árið 2004: „Mikilfengleg flugeldasýning með brúðum, grímum, röddum og tónlist. Stórkostleg og grípandi leiksýning, þar sem mörg mismunandi tjáningarform sameinast í eina, stóra heild … Grípandi, ljóðræn, yndisleg og hugvekjandi leiksýning um hina erfiðu list ástarinnar. Sýning sem þú mátt ekki missa af!“ „Konan frá hafinu“ er leiksýning frá Scene 1 sem er leikhópur sem var stofnaður í Kaupmannahöfn árið 2003. Leikendur eru Anna Katrin Egilstrod frá Færeyjum, 24 ára, Anne Louise Munch frá Danmörku, 32 ára, og Annemarie Jeppesen...

Jens og risaferskjan er … Jens og risaferskjan er haustverkefni Leikfélags Sauðárkróks í ár og hófust æfingar á verkinu nú á dögunum. Jens og risaferskjan er barnaleikrit sem byggt er á sögu eftir breska rithöfundinn Roald Dahl og verður það frumsýnt þann 29. október nk. í Bifröst. Leikstjóri er Ármann Guðmundsson en hann þýðir jafnframt verkið og semur við það tónlist. Jens og risaferskjan segir frá dreng sem verður munaðarlaus þegar óður nashyrningur étur foreldra hans. Honum er þá komið fyrir hjá tveimur frænkum sínum sem eru vægast sagt andstyggilegar við hann og láta hann þræla myrkrana á milli. Dag einn hittir hann svo undarlegan mann sem gefur honum poka með litlum grænum ögnum. Jens missir úr pokanum yfir rætur gamla ferskjutrésins og við það fer risastór ferskja að vaxa á trénu. Þar með hefst ótrúlegt ævintýri Jens. Það hefur um árabil verið fastur liður í starfsemi Leikfélags Sauðárkróks að setja upp barnaleikrit að hausti. Félagið frumsýnir svo jafnan annað verk í Sæluviku Skagfirðinga í lok apríl. Að þessu sinni taka 16 leikarar og þrír hljóðfæraleikarar þátt í sýningunni, þar af eru margir að taka í fyrsta sinn þátt í leiksýningu með félaginu. Roald Dahl er einn þekktasti barnabóka höfundur heims og á meðal þekktustu bóka hans eru Kalli og súkkulaðiverksmiðjan, Matthildur og...