Author: lensherra

Gestur – Síðasta máltíðin eftir Gaut G. Gunnlaugsson og Gunnar Kristmannsson er ný íslensk “hinsegin” óperetta/leikverk með söngvum. Verkið fjallar um þá Lauga og Óliver sem eru samkynhneigð hjón í Grafarholtinu og nýja nágrannann þeirra, atvinnuflugmanninn og sjarmatröllið Gest. Laugi er heimavinnandi en Óli vinnur í banka og þeir una nokkuð glaðir við sitt þar til gesturinn Gestur setur líf þeirra úr skorðum. Smávægilegur misskilningur kallar fram afbrýði og hefndarhug sem kemur af stað bráðfyndinni atburðarrás með óvæntum endi. Tónlistin er ákaflega vönduð og áheyrileg og spannar fjölmargar stílgerðir vestrænnar tónlistar; eina stundina er hún létt og fjörug í ætt við Mozart og aðra hádramatísk og rómantísk. En alltaf er léttur undirtónn. Leiktextinn er farsakenndur og meinfyndinn og hann ásamt tónlistinni myndar þetta stóskemmtilega verk.   Verkið verður frumsýnt í Iðnó þann 22. október n.k.  Aðstandendur sýningarinnar     * Þröstur Guðbjartsson leikstjóri     * Gautur G. Gunnlaugsson höfundur/hlutverk Lauga     * Gunnar Kristmannsson höfundur/hlutverk Ólivers     * Hrólfur Sæmundsson hlutverk Gests     * Raúl Jiménez...

Gamanleikritið Fullkomið brúðkaup eftir Robin Hawdon  verður frumsýnt hjá Leikfélagi Akureyrar fimmtudaginn 20. október. Hér er um drepfyndinn og rómantískan gamanleik að ræða, hann er hraður, fullur af misskilningi, framhjáhöldum og ást. Leikritið er eftir sama höfund og skrifaði leikgerðina á Sex í sveit sem er ein vinsælasta sýning LR frá upphafi. Leikritið sver sig í aðra röndina við sígildan farsa en einnig á leikritið margt sammerkt með breskum rómantískum gamanmyndum eins og Four Weddings and a Funeral, About a Boy, Notting Hill ofl. Leikstjóri er Magnús Geir Þórðarson. Leikritið segir frá ungu fólki sem er að glíma við ástina, verða ástfangið, hætta að vera ástfangið og að verða ástfangið af þeim sem þau mega ekki vera ástfangin af. Brúðkaupsdagurinn er runninn upp. Brúðguminn vaknar með konu sér við hlið. Hann hefur aldrei séð hana fyrr. Hver er þessi kona? Hvað gerðist kvöldið áður? Hann flækist inní atburðarás sem hann ræður ekkert við, brúðurin á leiðinni herbergið í rúst, nakin kona í rúminu og þá er bankað… Fullkomið brúðkaup verður frumsýnt þann 20. október. Mikill áhugi virðist fyrir sýningunni, því þegar er orðið uppselt á fyrstu tíu sýningar verksins. Þýðandi er Örn Árnason og leikstjóri Magnús Geir Þórðarson. Frosti Friðriksson hannar leikmynd og búninga en ljósahönnun er í höndum Björns Bergsteins Guðmundssonar. Leikarar eru: Álfrún Örnólfsdóttir, Esther Thalia Casey, Guðjón Davíð Karlsson, Jóhannes Haukur Jóhannesson, Maríanna Clara Luthersdóttir og...

 Í vor settu ungmennafélögin Vaka, Baldur og Samhyggð upp sýninguna Stútungasögu eftir Hugleikarana Þorgeir Tryggvason, Ármann Guðmundsson, Hjördísi Hjartardóttur og Sævar Sigurgeirsson.  Vegna fjölda áskorana og einróma lofs gagnrýnenda hefur verið ákveðið að taka sýninguna upp aftur og sýna sem hér segir:        Föstudagskvöldið 21. október kl. 21:00 í Þingborg í Hraungerðishreppi        Sunnudagskvöldið 23. október kl. 21:00 í Þingborg í Hraungerðishreppi        Föstudagskvöldið 28. október kl. 21:00 áHvoli á Hvolsvelli        Sunnudagskvöldið 30. október kl. 21:00 í Hvoli á Hvolsvelli     Einnig hefur heyrst skrafað um eina sýningu til viðbótar sem yrði í Brautartungu í Lundareykjadal fyrstu helgina í nóvember en hægt verður að spyrjast fyrir um hana í miðasölusíma.     Stútungasaga er bráðsmellið leikrit sem byggir á fornsögunum á gamansaman hátt. Bændur berjast og brenna bæi hvers annars, gifta syni sína og dætur eftir hentugleikum og skreppa í heimsóknir til konungshjónanna af noregi inn á milli bardaga, bruna og brúðkaupa.     Leikstjóri er Sigurgeir Hilmar Friðþjófsson. Miðapanntanir eru í síma 892-8202 eða á netfanginu  hgun@bakkar.is   Miðaverð er 1.500...

Fjöldi listamanna tekur þátt í sannkallaðri tónlistarhátíð á Stóra sviði Þjóðleikhússins á miðvikudagskvöld kl. 20:00. Það eru sænsk samtök, The Swedish Tibetan Society, sem stendur fyrir hátíðinni sem samanstendur af tónlistaratriðum þekktra listamanna, bæði íslenskra og erlendra. Á hátíðinni verður lögð rík áhersla á tíbeska menningu og gildi hennar. Atburðurinn og/eða umgjörð hans er á engan hátt pólitískur. Allur ágóði rennur til samtakanna sem hafa unnið að byggingu skóla í fátækum héruðum í Tíbet. Frá 1988 hafa þau byggt eða endurnýjað 98 skóla í Tíbet, sem veita 12.000 börnum ókeypis menntun. Samtökin sem um ræðir hafa haldið svipaða tónleika áður og þar á meðal síðast í samstarfi við Þjóðleikhúsið í Gautaborg, Svíþjóð. Atburðurinn átti sér stað á Dans o Teater Festivalen i Göteborg.  Á tónleikunum hérna heima munu tíbeskir munkar spila á tíbesk hljóðfæri og syngja. Aðalflytjendur kvöldins, Conrad Electro hafa starfað um árabil og starfað að ýmsum verkefnum með þekktu listafólki í Svíþjóð. Bandið mun flytja lög eftirfarandi íslenskra tónlistarmanna í nýrri útsetningu: Ellen Kristjánsdóttir, Magga Stína, Rúnar Júlíusson, Sammi (Jagúar), Siggi (Hjálmar) og Bogomil Font. Sendiherra Svíþjóðar Madeleine Ströje-Wilkens mun flytja ávarp fyrir dagskránna og ræða um menningarleg málefni í tengslum við atburðinn. Að loknum tónleikunum, um kl. 22:30, verður skemmtun í Leikhúskjallaranum þar sem eftirtaldar hljómsveitir munu meðal annars koma fram: Dj Maggi Lego (Gus Gus) og DJ Árni S, Hjálmar, Jagúar, Rætur og Trabant. Miðaverð...