Author: lensherra

Föstudagskvöldið 12. febrúar frumsýnir Leikdeild ungmennafélags Biskupstungna í Aratungu, leikritið Undir hamrinum eftir Hildi Þórðardóttur. Leikstjóri er Gunnar Björn Guðmundsson. Æfingar hafa staðið yfir síðan í byrjun janúar og nú er sem sagt komið að því.  Leikurinn gerist í kringum aldamótin 1900 og segir frá samskiptum prestsins og hans fólks á Hvammi og kotunganna á Útnára. Einnig kemur við sögu Úlfljótur digri, sem vantar konu og hefur augastað á annarri prestsdótturinni eða jafnvel báðum. Næstu sýningar verða: 14., 17., 19., 20., 24., 26. og 27, febrúar. Á undan sýningumer boðið upp á léttan leikhúsmatseðil á Kaffi Kletti í Reykholti,...

Mikið líf, gleði og birta fyllir Litla leikhúsið við Sigtún þessa dagana en Leikfélag Selfoss er nú að komast á lokasprettinn með æfingar á Birtingi eftir Voltaire. Frumsýning verður föstudaginn 12. febrúar en æfingar hafa staðið yfir síðan í byrjun nóvember. Umfang sýningarinnar er mikið á flestum sviðum og gríðarleg vinna og óteljandi handtök að baki henni. Leikstjóri sýningarinnar er Ólafur Jens Sigurðarson en hann er uppalinn hjá Leikfélagi Selfoss og er að leikstýra þar í 4. sinn. Notast er við leikgerð Hafnarfjarðarleikhússins sem unnin er upp úr snilldarlegri þýðingu Halldórs Laxness en þýðingin á einmitt 65 ára afmæli...

Saga fóstbræðranna Þorgeirs Hávarssonar og Þormóðar Kolbrúnarskálds hefur lifað með þjóðinni um aldir. Fóstbræðrasaga fjallar um þá Þorgeir og Þormóð og um miðja síðustu öld skrifaði Halldór Kiljan Laxness Gerplu og sagði þar sögu þeirra á nýjan hátt. Næstkomandi föstudag – um 1000 árum eftir að atburðirnir í sögunni eiga að hafa átt sér stað og tæplega 60 árum eftir að Gerpla kom út – verður leikverkið Gerpla í leikstjórn Baltasars Kormáks frumsýnt á Stóra sviði Þjóðleikhússins. Með Gerplu réðst Halldór Laxness í að afhelga hugmyndir okkar um söguöldina og hetjur hennar, en um leið blés hann nýju lífi...

Laugardaginn 13. febrúar frumsýnir Freyvangsleikhúsið í Eyjafjarðarsveit hið stórskemmtilega og sígilda verk, Dýrin í Hálsaskógi og verður það á fjölum Freyvangsleikhússins fram á vordaga. Gert er ráð fyrir að sýningar standi fram á sauðburð, því nokkrum dögum fyrir frumsýningu er fullbókað á fyrstu þrjár sýningarnar og talsvert farið að bókast á næstu sýningar. Það er að vanda stór hópur sem kemur að uppsetningu á leikverkinu en leikstjóri er Ingunn Jensdóttir. Stór hópur barna tekur þátt í sýningunni og taka þau m.a. þátt í tónlistarflutningi á sviðinu. Einn af leikurunum í þessari uppfærslu Freyvangsleikhússins er að leika í Dýrunum í...

Sunnudaginn 21. febrúar kl. 14.00 frumsýnir leikfélagið Snúður og Snælda í Iðnó farsann Nakinn maður og annar í kjólfötum eftir Dario Fo. Leikstjóri Bjarni Ingvarsson. Leikritið gerist að næturlagi þar sem tveir götusóparar eru við vinnu sína. Þeir spjalla saman um hin ólíkustu efni frá hversdagslegu gríni til heimspekilegra atriða og trúarbragða. Ýmsir skrautlegir einstaklingar eiga leið hjá. Þarna koma fram auk götusóparanna vændiskonur, nakinn maður, lögregluþjónn, og blómasali. Leikritið er stórskemmtilegur gamanleikur í einum þætti eftir hinn bráðsnjalla Nóbelsverðlaunahafa Darío Fo. Verkið var sýnt við miklar vinsældir hjá Leikfélagi Reykjavíkur árið 1962 og í Sjónvarpinu árið 1967. Snúður...