Author: lensherra

Miðvikudaginn 22. ágúst verður leikverkið Kameljón eftir Álfrúnu Helgu Örnólfsdóttur, Friðgeir Einarsson og Margréti Örnólfsdóttur frumsýnt í Kúlunni, litla sviði Þjóðleikhússins. Verkið er einleikur og fer Álfrún Helga Örnólfsdóttir með hlutverk Kameljónsins. Texta verksins gerði Margrét Örnólfsdóttir og Friðgeir Einarsson leikstýrir. Einstök aðlögunarhæfni og sífelld hamskipti valda því að Kameljónið veit ekki lengur hver grunnlitur þess er. Hefur hún, Kameljónið, eitthvert eiginlegt sjálf eða er hún aðeins endurspeglun þeirra sem á vegi hennar verða í lífinu? Lituð af umhverfinu sem hún hrærist í hverju sinni? Hún ákveður að hafa uppi á sjálfri sér, hvað sem það kostar, því maður...

Kexleikhúsið frumsýnir 22. ágúst sérstæða og nýstárlega sýningu í Gym & Tonic salnum á  Kex Hostel. Verkið heitir 52 (52 Pick-up á frummálinu) og er kanadískt að uppruna, eftir TJ Dawe og Ritu Bozi. Það var frumsýnt á Fringe-hátíðinni í Montreal árið 2000, þar sem verkið hlaut Chapter’s Best Text verðlaunin. Verkið hefur síðan verið sýnt víða um heim við góðar undirtektir, m.a. í Bandaríkjunum, Ástralíu, Bretlandi, Singapore og nú er komið að Íslandi. Leikarar eru Hannes Óli Ágústsson og Melkorka Óskarsdóttir sem einnig þýddi verkið. Leikstjóri Vignir Rafn Valþórsson. Verkið segir frá ástarsambandi karls og konu, frá upphafi...

Föstudaginn 10. ágúst var söngleikurinn Gauragangur frumsýndur í Bæjarleikhúsinu. Það eru 13-16 ára nemendur Leikgleði, sumarnámskeiða Leikfélags Mosfellssveitar, sem taka þátt í uppsetningunni ásamt hljómsveit. Kennarar í sumar hafa verið Sigrún Harðardóttir, Agnes Wild, Eva Björg Harðardóttir, Elísabet Skagfjörð og Halldór Sveinsson. Söngleikurinn Gauragangur fjallar um Orm Óðinsson, ungan sjálfskipaðan snilling, fjölskyldu hans og vini. Sagan, sem er eftir Ólaf Hauk Símonarson, kom fyrst út árið 1988 en á samt mjög vel við árið 2012. Það sama á við um tónlist hljómsveitarinnar Nýdönsk sem samin var fyrir söngleikinn árið 1994. Það má segja Bæjarleikhúsið sé helgað ungu fólki á...

Leiklestrar úr þeim fimm leikritum sem valin hafa verið í Norrænu leikskáldalestina 2012-2013 verða í Þjóðleikhúsinu 25. og 26. ágúst. Fimm leikskáld, eitt frá hverju landi, ferðast á milli landanna, og lesið er upp úr verkum þeirra. Leiklesið verður á ensku úr eftirtöldum verkum: Hænuungarnir eftir Braga Ólafsson (Ísland), Ingen Møder Nogen eftir Peter Asmussen (Danmörk), Meganin Tarina eftir Tuomas Timonen (Finnland), Jeg forsvinner eftir Arne Lygre (Noregur) og Mira går genom rummen eftir Martina Montelius (Svíþjóð). Norræna leikskáldalestin kemur í stað Norrænu leiklistarverðlaunanna sem áður voru veitt einu leikskáldi á Norðurlöndunum annað hvert ár. Leiklistarsamband Íslands á frumkvæði...

Eftir mjög vel heppnaða uppfærslu á óperunni Toscu eftir Giacomo Puccini í Keflavíkurkirkju síðasta sumar, vaknaði sú hugmynd að stofna til árlegrar sumar óperuhátíðar í Reykjanesbæ. Í sumar er boiðið uppá enn stærri óperuuppfærslu en Tosca var auk hátíðlegs Óperuballs í Hljómahöllinni. Óperan sem flutt verður í sumar heitir Eugene Onegin og er eftir rússneska tónskáldið Pjotr Tschaikovsky við sögu Púskin. Óperan fjallar um ástir, vináttu og afbrýði sem endar með einvígi þar sem Onegin drepur vin sinn Lensky. Sagan hefst í sveitasælu og endar á hátíðlegu balli Gremins fursta í St. Pétursborg. Tónlistin er stórfengleg, rómantísk og lagræn....