Author: lensherra

Frystiklefinn, litla atvinnuleikhúsið á Rifi á Snæfellsnesi, sýnir í samvinnu við Gaflaraleikhúsið í Hafnarfirði hinn sprellfjöruga og hjartnæma gamanleik Trúðleik eftir Hallgrím H. Helgason sem sló í gegn í sumar hjá gagnrýnendum og áhorfendum. Sýningarfjöldi er takmarkaður en sú fyrsta er 15. september kl. 14.00 Leikarar eru Benedikt Karl Gröndal og Kári Viðarsson, leikstjóri er Halldór Gylfason. Þeir Skúli og Spæli eru trúðar sem hafa starfað saman langalengi. Skúli er ævinlega kátur og bjartsýnn, finnst yndislegt að sprella og getur ekki ímyndað sér neinn annan starfa, enda streyma hugmyndirnar og skemmtileg dellan upp úr honum eins og gosbrunni. Spæli er...

Sjóræningjarnir hafa tekið yfir Borgarleikhúsið! Ævintýralegasta fjársjóðsleit allra tíma, Gulleyjan verður frumsýnd á Stóra sviðinu 14. september næstkomandi. Þetta samstarfsverkefni Borgarleikhússins og Leikfélags Akureyrar sló rækilega í gegn í fyrra og var sýnt hátt í fimmtíu sinnum fyrir fullu húsi norðan heiða. Nú verður þetta bráðfjöruga ævintýri fyrir alla fjölskylduna frumsýnt í höfuðborginni  – enn stærra og glæsilegra! Sigurður Sigurjónssons leikstýrir verkinu og skrifaði leikgerð ásamt Karli Ágústi Úlfssyni. Verkið Gulleyjan er ævintýraleg sýning fyrir alla fjölskylduna, full af galdri, gulli, græðgi, bardögum, blekkingum, talandi páfagaukum og kostulegum persónum. Sigurður Sigurjónsson leikstýrir fríðum hópi leikara og skrifaði hann handritið...

Leikrit norska barnavinarins Thorbjörns Egners hafa notið ómældra vinsælda hjá íslensku þjóðinni allt frá því að Kardemommubærinn var sviðsettur í Þjóðleikhúsinu í fyrsta sinn árið 1960. Alls hafa yfir 300.000 áhorfendur séð leikrit Egners Dýrin í Hálsaskógi, Kardemommubæinn, Síglaða söngvara og Karíus og Baktus í Þjóðleikhúsinu á þeirri ríflega hálfu öld sem liðin er frá því að persónur hans stigu þar fyrst á svið. Nú á hundrað ára afmæli Thorbjörns Egners (1912-1990) er enn á ný komið að því að kynna nýjum kynslóðum hið dásamlega leikrit hans um íbúa Hálsaskógar, og leyfa þeim eldri að rifja upp gömul kynni....

Hin margrómaða ástarsaga Bergsveins Birgissonar snýr aftur á Nýja svið Borgarleikhússins föstudaginn 7. september næstkomandi. Hér er á ferðinni hrífandi saga um þrá og eftirsjá. Bókin var tilnefnd til Íslensku bókmenntaverðlaunanna árið 2010 og valin besta skáldsaga ársins að mati bóksala það sama ár. Kristín Eysteinsdóttir leikstýrir verkinu og í Í burðarhlutverkum eru þau Ilmur Kristjánsdóttir og Þröstur Leó Gunnarsson sem hlaut tilnefningu til Grímunnar sem besti leikari fyrir hlutverk sitt nú í vor. Bjarni skrifar bréf til konunnar sem honum bauðst að fylgja til borgarinnar forðum. Gerði hann rétt að taka jörðina fram yfir ástina? Hefði hann fremur...