Author: lensherra

Út er komin hjá Háskólaútgáfunni bókin Leikhús nútímans eftir Trausta Ólafsson Í Leikhúsi nútímans rekur Trausti hugmyndir og hugsjónir frumkvöðla í leikhúsi Vesturlanda allt frá miðri nítjándu öld og fram yfir aldamótin tvö þúsund. List og fagurfræði leikstjóra, leikskálda og hönnuða eru gerð skil og því lýst hvernig þróun leikhússins helst í hendur við sögu menningar og samfélags. Hér gefst lesendum þess vegna færi á því að kynna sér á heildstæðan hátt þær hugmyndir og hugsjónir sem mótað hafa leikhús samtímans. Leikhús nútímans er fyrsta rit sinnar tegundar sem skrifað er á íslensku. Í bókinni eru nær tvö hundruð...

Jólafrumsýning Þjóðleikhússins er Þingkonurnar eftir Aristófanes í leikstjórn Benedikts Erlingssonar. Þingkonurnar er eitt frægasta verk forngríska gamanleikjaskáldsins Aristófanesar og var frum­sýnt um 392 f.Kr. á miklum kreppu­tímum í stjórnmálum Aþenuborgar. Þessi ærslafulli gamanleikur Aristófanesar minnir okkur á að leikhúsinu er ekki einungis ætlað að vera musteri tungunnar heldur einnig vígvöllur hugmyndanna. Frumsýning verður þann 26. desember. Hin málsnjalla Praxagóra fer fyrir flokki kvenna sem er búinn að fá nóg af óstjórn karlmanna í Aþenu. Konurnar dulbúa sig sem karlmenn, fjölmenna á þing Aþeninga og fá það samþykkt að konum skuli falin öll völd. Og hverju vilja þær svo breyta?...

Leikhópurinn Á senunni undirbýr nú sýningar á leiksýningunni Ævintýrið um Augastein, sem frumsýnd var fyrir 11 árum. Í fyrra urðu kynslóðaskipti í sýningunni, því Orri Huginn Ágústsson tók þá við af Felix Bergssyni, sem hafði borið hana uppi frá byrjun. Tvær sýningar verða um næstu helgi, laugardaginn 14. og sunnudaginn 15. desember kl. 15:00. Sýnt er í Tjarnarbíói. Ævintýrið um Augastein var upphaflega samið á ensku og frumsýnt í Drill Hall leikhúsinu í London 2002, en ári síðar var verkið frumflutt í íslenskri útgáfu í Tjarnarbíói. Þá kom ævintýrið einnig út á bók, sem notið hefur mikilla vinsælda æ...

Leikfélagið Óskabörn ógæfunnar frumsýnir leiksýninguna Nóttin var sú ágæt ein, jólasýningu fyrir fullorðna miðvikudaginn 11. desember kl. 20. Höfundur verksins er Anthony Neilson (Penetrator, Ófagra veröld) en verkið kallast á frummáli The Night Before Christmas. Sýningin, sem sýnd er í Tjarnarbíói, er aðeins rétt rúmur klukkutími að lengd. Hún er tilvalin fyrir þá sem vilja taka sér örlitla upplyftingu frá jólaamstrinu, að ekki sé talað um þá sem eru komnir með uppí kok af þessu „jólakjaftæði“. Verkið fjallar í stuttu máli um tvo félaga sem góma innbrotsþjóf á aðfangadagskvöldi, klukkutíma fyrir jól. Þjófurinn heldur því statt og stöðugt fram að hann sé raunverulegur jólasveinn....