Author: lensherra

Sunnudaginn 14. apríl frumsýnir leikfélagið Hugleikur leikdagskrána Rannsóknarstöðina sem unnin er að öllu leyti af meðlimum félagsins. Önnur sýning verður þriðjudaginn 16. apríl en aðeins verða sýndar þessar tvær sýningar. Sýningar hefjast kl. 20 og sýnt er í Hugleikhúsinu að Langholtsvegi 109-111. Undanfarnar vikur hefur Hugleikur staðið fyrir námskeiðum fyrir leikara og leikstjóra undir stjórn Rúnars Guðbrandssonar, annars vegar „Leikarinn sem skapandi listamaður“ og hins vegar „Leikstjórinn sem höfundur“. Á leikaranámskeiðinu var gegnum ýmis konar æfingar og spunavinnu, leitast við að hjálpa leikaranum að skapa og forma sitt eigið efni, bæði sem einstaklingur og hluti af hóp. Á leikstjóranámskeiðinu...

Leikfélags Vestmannaeyja frumsýndi vorverkefni sitt liðna helgi en það er gamanleikritið Blúndur og blásýra eftir Joseph Kesselring. Verkið segir frá öldnu systrunum Mörtu og Abbý Brewster sem búa ásamt léttgeggjuðum frænda sínum á ættaróðali Brewster fjölskyldunnar í Brooklyn. Systurnar eru annáluð gæðablóð en undanfarið hafa þær uppgötvað nýja ástríðu á seinni árum ævi sinnar, sem er að svæfa einmanna eldri karlmenn svefninum langa með eiturbruggi sínu. Þegar annar ungur frændi þeirra kemst að dægradvöl kerlanna fara hjólin heldur betur að snúast og úr verður ansi skoplegur ærslaleikur. Frumsýnt var föstudaginn 5. apríl síðastliðinn og verður sýnt allar helgar út...

Undanfarnar vikur hefur mikið verið um að vera hjá Leikfélagi Mosfellssveitar við undirbúning og æfingar á hinu sprenghlægilega og hrollvekjandi gamanverki Blúndur og blásýra eftir Joseph Kesserling. Verkið verður frumsýnt laugardaginn 6. apríl, en leikstjóri er Guðný María Jónsdóttir. Sagan segir frá piparjónkunum og systrunum Mörtu og Abbý sem eru bæði elskulegar og hlýlegar persónur, en þó með ansi brenglaða siðferðiskennd. Þær búa á ættaróðalinu ásamt frænku sinni sem bilaðist í stríðinu og leigja út herbergi til einstæðinga og hjálpa þeim gjarnan yfir móðuna miklu ef þeim finnst þeir eiga eitt­hvað of bágt í líf­inu. Sýningar verða á laugardögum...

Leikfélag Hofsóss frumsýnir Gullregn eftir Ragnar Bragason í Höfðaborg á Hofsósi fimmtudaginn 4. apríl kl. 20:30. Leikstjóri er Ólafur Jens Sigurðsson.  Leikritið Gullregn segir frá Indíönu Georgíu Jónsdóttur, öryrkja í Fellahverfinu. Það stendur að vísu ekki mjög vel á hjá Indíönu þessa dagana, fulltrúi umhverfisráðuneytisins er nýbúinn að heimsækja hana og flytja henni óþægilegar fréttir sem valda uppnámi. Blokkin sem hún býr í er að fyllast af útlendum lýð og sú gula á efri hæðinni gerir henni lífið leitt. Sonur hennar, sem hún hefur lifað fyrir og ofverndað alla hans ævi, er fluttur að heiman og farinn að búa...

Leikfélag Keflavíkur frumsýndi revíuna Allir á Trúnó þ. 8. mars sl. Revían er skrifuð af nokkrum meðlimum félagsins, en þeir eru Júlíus Guðmundsson, Arnór Sindri Sölvason, Jón Bjarni Ísaksson, Yngvi Þór Geirsson, Ómar Ólafsson og Sigurður Smári Hansson. Leikstjórn er í höndum Bjarkar Jakobsdóttur. Í revíunni er lítið yfir það sem gerst hefur á Suðurnesjum og í þjóðfélaginu síðustu misseri ásamt almennu grínsketsum um daglegt amstur. Ellefu sýningum er nú lokið og er stefnan að sýna fram að páskum og jafnvel eitthvað lengur. Allir á Trúnó er sýning fyrir alla sem hafa skopskynið á réttum stað. Næstu sýningar verða fim....