Flokkur: Nám og námskeið

(Sjá umsóknarform neðst á síðunni) Námskeið í leikhúsförðun og gervagerð 24.-25. janúar 2026. Leiklistarskóli Bandalags íslenskra leikfélaga býður upp á námskeið í leikhúsförðun og gervagerð dagana 24.-25. janúar 2026. Kennari er Ásta Hafþórsdóttir sem er einn fremsti förðunarmeistari landsins og þótt víðar væri leitað. Kennt verður í húsnæði Reykjavík Makeup School að Krókhálsi 6 í Reykjavík. Námskeiðið hefst laugardaginn 24. janúar og lýkur sunnudaginn 25. janúar. Lögð verður áhersla á grunnförðun í leikhúsi fyrri daginn en seinni daginn fá nemendur að leggja áherslu á atriði sem þeir kjósa. Meðlimir aðildarfélaga Bandalagsins hafa forgang að námskeiðinu en aðrir geta sótt um ef laus pláss verða. Námskeiðslýsing: Tveggja daga námskeið í gervum fyrir leikhús, farið verður í grunnatriði þegar kemur að karaktersköpun, hárkollum, grunnsminki, og margskonar hagnýtri tækni. Dagur 1: # Fyrirlestur og slideshow # Sýnikennsla í að undirbúa hár fyrir hárkollur # Sýnikennsla í sminktækni, fyrir öldrun, karakter ofl # Sýnikennsla í að líma á latex nef # Umræða um karaktersköpun # Undirbúningur fyrir næsta dag / hugsa hvaða karakter viðkomandi vill gera Dagur 2: # Undirbúningur fyrir karakter # Nemendur gera sjálfir hver á öðrum # Í boði verða hárkollur af ýmsu tagi og einnig nef til afnota Námskeiðsgjald er 65.000 kr. og greiðist fyrir 6. janúar 2026. Krafa verður send í banka á kennitölu greiðanda. Allt efni er innifalið í námskeiðsgjaldi. Boðið verður upp á létta næringu meðan á námskeiði...

Starfstími skólans á þessu ári er frá 8. til 16. júní að Reykjaskóla í Hrútafirði Bæklingur skólans starfsárið 2019 á PDF formi Kveðja frá skólanefnd:     Kæru leiklistarvinir!   Það er okkur sönn ánægja að bjóða ykkur velkomin í Reykjaskóla í sumar þar sem leiklistarskólinn okkar verður settur í tuttugasta og þriðja sinn. Við vonum að þetta skólaár verði sama uppspretta metnaðar, sköpunar og gleði og verið hefur. Að þessu sinni verða þrjú fjölbreytt námskeið í boði. Við bjóðum velkomna Aðalbjörgu Árnadóttur sem kennir hjá okkur í fyrsta sinn og mun taka á móti nýjum nemendahópi á Leiklist I. Einnig fögnum við því að fá Árna Kristjánsson í kennarahópinn okkar. Hann mun sjá um Leikritun II sem er framhald af byrjendanámskeiðinu í leikritun sem Karl Ágúst Úlfsson var með í fyrrasumar. Sérnámskeið í leiklist fyrir lengra komna verður í höndum hins þrautreynda kennara Rúnars Guðbrandssonar. Boðið hefur verið upp á sambærilegt námskeið áður og afar vel af því látið. Þá er vert að nefna að við ráðgerum framhaldsnámskeið næsta vetur um það sem gerist bak við tjöldin í leikhúsinu. Þetta námskeið verður væntanlega í Reykjavík í höndum Evu Bjargar Harðardóttur en verður nánar auglýst síðar. Hlökkum til að sjá ykkur – með bestu kveðju, Hrefna, Dýrleif, Herdís, Hrund og Gísli Skráning í skólann stendur yfir frá 15. mars til 15. apríl. Umsóknir skal fylla út á Leiklistarvefnum, www.leiklist.is....