Author: lensherra

Leikfélag Kópavogs verður með námskeð í leikritun bráðlega og stjórn þess verður í styrkum höndum Hrefnu Friðriksdóttur. Á námskeiðinu verður farið í leikritun og verður sjónum einkum beint að skrifum á styttri verkum/einþáttungum. Námskeiðið verður 30 klst. og verður á eftirfarandi tímum:Laugardaginn 23. september kl. 10-16Sunnudaginn 24. september kl. 10-16Þriðjudaginn 3. október kl. 20-23 (getur breyst)Laugardaginn 7. október kl. 10-16Sunnudaginn 8. október kl. 10-16Fimmtudagurinn 12. október kl. 20-23Þetta verða semsagt tvær helgar og tveir dagar.Námskeiðið kostar ekkert fyrir félagsmenn en 3000 kr. fyrir aðra, og félagsmenn hafa forgang við innritun á námskeiðið. Þeir sem ekki hafa enn greitt félagsgjöldin ættu því að gera það hið snarasta.Þátttökubeiðnir og fyrirspurnir skal senda á netfangið...

Vinnusmiðja Þjóðleikhússin hefur verið starfrækt undanfarin þrjú ár. Í vetur mun Félag um leiklist í skólastarfi, FLÍSS,  sjá um starfsemi vinnusmiðjunnar í samráði við Fræðsludeildina. Markmið vinnusmiðjunnar er að gefa kennurum og leikurum sem áhuga hafa á kennslu tækifæri til að kynnast vinnubrögðum ýmissa listamanna og kennara og veita kennurum sem vilja nota leiklist í skólastofunni stuðning í viðleitni sinni.  Undanfarin ár hefur allnokkur hópur sótt námskeið vinnusmiðjunnar og vonumst við til að svo verði áfram. Í vetur fáum við til okkar fimm einstaklinga sem allir hafa getið sér gott orð fyrir störf sín. Þeir koma úr ýmsum áttum en eiga það sameiginlegt að vinna við hinar ýmsu hliðar leiklistar og leiklistarkennslu. Munu þeir fyrst og fremst kynna sínar vinnuaðferðir fyrir kennurum og gefa þeim hugmynd um hvernig hægt er að nota þær í leiklistarkennslu, almennri kennslu og uppsetningum. Leiðbeinendur verða: Þorvaldur Þorsteinsson, rithöfundur Ágústa Skúladóttir, leikstjóri Bernd Ogrodnik, brúðuleikhúsmaður Ása Helga Ragnarsdóttir, leiklistarkennari Siríður Birna Valsdóttir, dramaþerapisti Við munum hittast einu sinni í mánuði yfir veturinn, þrisvar fyrir jól og þrisvar eftir jól. Hér fyrir neðan er dagskrá Vinnusmiðjunnar og allar nánari upplýsingar. Staðsetning     Húsnæði Fræðsludeildar Þjóðleikhússins, gamla Hæstaréttarhúsinu, Lindargötu 3. Verð og skráning: Eins og undanfarin ár þurfa þátttakendur að skrá sig fyrir allan veturinn. Við reynum að halda kostnaði í algjöru lágmarki og er einungis um að ræða kostnað vegna kennara á fræðslukvöldunum. Allur pakkinn,...