Author: lensherra

Batnandi maður er nafnið á leikritinu sem Ármann Guðmundsson er að skrifa og leikstýra hjá Halaleikhópnum um þessar mundir. Í tilefni 15 ára afmælis Halaleikhópsins var ákveðið að fá Ármann til að vinna afmælissýningu en stefnt er að frumsýningu hennar undir lok febrúar. Á annan tug leikara fara með hlutverk í leikritinu og verður það sýnt í Halanum, Hátúni 12. Batnandi maður fjallar á gráglettinn hátt um sjómanninn Sigmar sem fengið hefur nóg af sjómennsku og sér tækifæri þegar hann lendir í vinnuslysi til þess að láta úrskurða sig öryrkja og njóta þannig lífsins á kostnað skattborgaranna. Hann sogast...

Þann 20. janúar verður leikritið Svartur köttur eftir Martin McDonagh frumsýnt hjá LA. Leikritið er margverðlaunað og hefur víða vakið athygli. Sömu sögu er að segja um mörg fyrri verka McDonaghs, s.s. Koddamanninn, Halta Billa frá Miðey og Fegurðardrottninguna frá Línakri sem öll hafa verið sýnd hérlendis. Um sérstaka hátíðarfrumsýningu er að ræða í tilefni af því að þann 20. janúar eru 100 ár frá fyrstu frumsýningu í Samkomuhúsinu. Þetta hófst allt með því að dauður köttur fannst á veginum – besti vinur Patreks í öllum heiminum. Hann leitar hefnda, Mairead leitar að ástinni, allir leita að Patreki nema...

Næsta vinnusmiðja FLÍSS – Félags um leiklist í skólastarfi og Fræðsludeildar Þjóðleikhússins verður á mánudaginn þann 22. janúar.   Kennari að þessu sinni verður Rúnar Guðbrandsson leiklistarkennari. Rúnar mun fjalla um aðferðir sínar í leiklistarkennslu og þjálfun leikarans. Hann mun einnig fjalla um leiklistarkennslu á hinum ýmsu skólastigum og tengingu þar á milli.   Eins og margir vita er Rúnar einn af okkar reyndustu leiklistarkennurum og hefur í gegnum árin kennt leiklist á grunnskólastigi, framhaldsskólastigi og háskólastigi, auk þess að kenna áhugafólki um leiklist á námskeiðum víða um land. Síðustu ár hefur Rúnar verið einn af aðal kennurum við...

Föstudaginn 19. janúar frumsýnir Þjóðleikhúsið Sælueyjuna eftir Jacob Hirdwall í leikgerð Maríu Ellingsen og Grétu Maríu Bergsdóttur í Kassanum. Hér er á ferðinni heimsfrumsýning á glænýju verki sem gerist á Íslandi og fjallar um siðferðileg álitamál í okkar samtíma. Kaldan haustmorgun finnst maður uppi á hálendinu nær dauða en lífi. Hann krefst þess að ná tali af Arnari Hallgrímssyni, umdeildum forstjóra íslenska erfðagreiningarfyrirtækisins Genome Genetics. Maðurinn trúir Arnari fyrir mikilvægu leyndarmáli. Tekla, ung og metnaðarfull vísindakona, er ráðin til Genome. Flókinn vefur spinnst um þau þrjú og brátt er framtíð mannkyns í húfi.   Hvort sem leikritið er kallað...

Leikfélag Selfoss frumsýnir um helgina leikverkið Hnerrinn. Verkið samanstendur af einþáttungum og smásögum eftir Anton Tsjekoff en leikgerðina skrifaði Michael Frayn. Frumsýning verður föstudaginn 19. janúar og verður það frumflutningur verksins hér á landi. Leikstjóri er Hörður Sigurðarson en hann þýddi verkið einnig á íslensku. Hnerrinn er 66. verk Leikfélags Selfoss, en félagið hefur starfað óslitið frá árinu 1958 og hefur alla tíð verið einn af máttarstólpum menningarstarfsemi í sveitarfélaginu. Áhorfendur eiga í vændum skemmtilega kvöldstund, þar sem  þeir mæta uppáþrengjandi rithöfundum, sorgmæddum trúðum, þunglyndum ekkjum og fleiri furðukarakterum í sönnum rússneskum sagnaanda. Næstu sýningar verða: Lau. 27. janúar Sun. 28. janúar...