Author: lensherra

Föstudaginn 9.mars frumsýnir Leikdeild UMF Skallagríms í Borgarnesi gamanleikritið Sex í Sveit. Verkið verður sýnt í félagsheimilinu Lyngbrekku. Sex leikarar taka þátt í sýningunni og leikstjóri er Rúnar Guðbrandsson. Leikdeildin hefur verið á miklum hrakhólum undanfarin 7 ár og hrakist milli gamalla iðnaðarhúsa í Borgarnesi. Sökum þess hefur ekki verið tækifæri á að setja upp leikrit jafn títt og menn hafa viljað. En þetta árið fékk leikdeildin inni í félagsheimilinu Lyngbrekku, sem er um 15 km vestan við Borgarnes. Lyngbrekka er kjörinn staður fyrir leiksýningar og er það von allra er að verkinu koma að þar fá leikfélagið aðsetur...

Laugardaginn 10.mars  frumsýnir Leikfélag Reykjavíkur í samvinnu við Vesturport söngleikinn ÁST á Nýja sviði Borgarleikhússins. Söngleikurinn er eftir þá Gísla Örn Garðarsson og Víking Kristjánsson.   Sagan  fjallar um ástir og daglegt líf heimilismanna á  elliheimili.  Nína eldri kona utan af landi kemur í skammtímavistun á elliheimili í höfuðborginni, fyrir tilstuðlan ábyrgðarfulls sonar. Vistin hefur ekki þau áhrif á Nínu sem sonurinn hefði óskað. Á heimilinu er fjörugt félagslíf og  í gegnum Nínu kynnumst við heimilisfólki, sögum þess, örlögum og ástum. Það er sannkallað stórskotalið leikara sem stígur á stokk og margir hverjir sem ekki hafa leikið opinberlega í...

Fimmtudaginn 8. mars verður nýr íslenskur söngleikur, Leg eftir Hugleik Dagsson og Flís, frumsýndur á stóra sviði Þjóðleikhússins í leikstjórn Stefáns Jónssonar. Leg gerist í Garðabæ í náinni framtíð. Kata er ung stúlka í fjölbraut, lífið leikur við hana, hún er sæt, sjálfstæð og hress. Á 19 ára afmælisdaginn nákvæmlega klukkan 13.30 síðdegis gerist þetta: Mamma og pabbi skilja, Kalli litli bróðir Kötu greinist með fuglaflensuna, kærastinn segir henni upp og hún fær staðfestingu á því að hún sé ólétt. Þar með hefst ferð Kötu um ranghala lífsins á leið til nokkurs þroska. Nokkrar lykilpersónur sem koma við sögu...

Leikhúsið Skámáni sýnir um þessar mundir verkið Killer Joe eftir Tracy Letts í Borgarleikhúsinu. Leikritið lýsir sérkennilegri fjölskyldu í Bandaríkjunum, sem býr við bág kjör en elur með sér drauma um betra líf og grípur til örþrifaráða til að sjá drauma sína rætast. Verkið hefur verið sýnt í um þrjátíu löndum og hvarvetna vakið mikla athygli. Hér eru það fjórir af athyglisverðustu leikurum yngstu kynslóðarinnar sem flytja verkið ásamt reynsluboltanum og  stórleikaranum Þresti Leó. Verkið var frumsýnt þann 1. mars á Litla sviði Borgarleikhússins og er stranglega bannað börnum Leikendur eru Þröstur Leó Gunnarsson, Björn Thors, Unnur Ösp Stefánsdóttir,...

Að undanförnu hafa ungmennafélagar í Flóahreppi, úr Umf. Baldri, Samhygð og Vöku unnið að uppsetningu á  gamanleiknum Draumur á Jónsmessunótt eftir William Shakespeare. Leikstjóri er Gunnar Sigurðsson. Þessi þrjú félög sem starfa í austanverðum Flóanum eru rótgróin ungmennafélög með langa sögu og sterka hefð. Umf. Samhygð í Gaulverjabæjarhreppi og Umf. Baldur í Hraungerðishreppi voru bæði stofnuð 1908 og Umf. Vaka í Villingaholtshreppi 1936. Markmið þessara þriggja félaga hefur ætíð verið að halda uppi öflugu æskulýðs- og menningarstarfi í sinni sveit og hefur leiklist átt sér fastan sess í starfi þeirra frá upphafi. Félögin hafa alltaf átt gott samstarf og...