Author: lensherra

Sunnudaginn 27. apríl nk. verður aðalfundur Leikfélagsins Sýna haldinn í húsnæði Leikfélag Hafnarfjarðar í Gamla Lækjarskóla. Fundurinn hefst klukkan 16.00 og á dagskrá eru venjuleg aðalfundarstörf. Allir þeir sem áhuga kunna að hafa á starfa með félaginu eru hvattir til að mæta en félagið starfar á landsvísu og hefur sérhæft sig í að setja upp útileikssýningar á sumrin. Stjórnin...

Borgarbörn, barna- og unglingaleikhús, frumsýna Allt í misgripum eftir William Shakespeare á Nýja sviði Borgarleikhússins þann 23. apríl kl. 19:00.  Sýningin er hluti af Shakespeare 24, sem er stærsta alþjóðlega  Shakespeare-leiklistarhátíð, sem haldin hefur verið meðal barna og unglinga.   Shakespeare 24 er stórkostlegt heimshornaflakk til heiðurs 444 afmælisdegi Shakespeares. Flakkið hefst á Nýja Sjálandi og lýkur 24 stundum síðar á Hawaii. Sextíu og tveir unglingahópar (11-21 árs) frá 34 löndum munu setja á svið verk höfundarins klukkan 19:00 á staðartíma.  ...

Vegna lítillar þátttöku fellur einþáttungahátíðin niður sem við ætluðum að halda í tengslum við aðalfund Bandalags íslenskra leikfélaga helgina 1.-4. maí. Þátttaka í aðalfundi er lítil og því var nauðsynlegt að leita nýrra samninga við staðarhaldara hjá Félagsheimilinu Árgarði og gistiheimilinu að Bakkaflöt. Það er komin ný dagskrá og miðast hún við tvær gistinætur og fæði laugardag og sunnudag (til og með hádegis). Koma á föstudagskvöldið er frjáls en við búumst við að fólk mæti í Bifröst á sýninguna Viltu finna milljón? hjá Leikfélagi Sauðárkróks kl. 20.30 og komi að Bakkaflöt þegar henni lýkur eða um kvöldið eftir hentugleikum...

Hugleikur verður með aukasýningu á leikritinu 39½ viku eftir Hrefnu Friðriksdóttur föstudaginn 25. apríl í Möguleikhúsinu við Hlemm vegna góðrar aðsóknar. Lokasýning var sl. miðvikudag og var þá sýnt fyrir troðfullu húsi. Leikstjórar 39½ viku eru Ásta Gísladóttir, Júlía Hannam og Sigurður H. Pálsson. 39½ vika er farsakenndur gamanleikur sem snýst að verulegu leyti um barneignir og sauðfjárrækt. Sveitapilturinn Valur fær afnot af skrifstofu frænku sinnar, sem starfar sem félagsráðgjafi á kvennadeild sjúkrahúss. Valur er að leggja lokahönd á lokaritgerð sína um ættir og örlög skagfirsku sauðkindarinnar. Vera hans á skrifstofunni leiðir til hvers konar misskilnings, eins og vera...

Mánudaginn 21. apríl kl. 20 munu Leiklistarsamband Íslands og Leiklistardeild Listaháskóla Íslands standa fyrir fyrirlestri um stöðu höfundar í nútímaleikhúsi á Kaffi Sólon, Bankastræti 7a, 2. hæð. Fyrirlesarar eru Charlotte Böving, leiklistarkona og Jón Atli Jónasson, leikskáld. Höfundurinn er flókið fyrirbæri þegar kemur að leikhúsi. Leikskáldið sat lengi vel eitt að þeim heiðri að teljast höfundur sviðsins og í enn dag kynna leikhúsin verkefni undir heiti leikskáldsins. Á tuttugustu öld óx hins vegar leikstjóranum fiskur um hrygg og gerði harða atlögu að veldissprota leikskáldsins. Á undanförnum áratugum hafa síðan margir leikhúslistamenn og -hópar farið þá leið að útiloka leikskáldið...