Author: lensherra

Búlúlala – Öldin hans Steins er nýtt leikverk fyrir leikara og tónlistarmann sem Kómedíuleikhúsið setur á svið til að minnast aldarafmælis Steins Steinars. Leikurinn verður frumsýndur fimmtudaginn 8. maí í Tjöruhúsinu á Ísafirði. Alls verða þrjár sýningar á Ísafirði eftir það verður flakkað um Vestfirðina og sýnt á Flateyri, á Bíldudal, í Bolungarvík og í Haukadal í Dýrafirði. Einnig hefur leikhúsinu verið boðið að sýna leikinn á sérstakri Steins Steinars hátíð á Snjáfjallasetri 21. júní næstkomandi. Í þessum nýja ljóðaleik, Búlúlala – Öldin hans Steins, eru flutt mörg af þekktustu ljóðum Steins í bland við minna þekkt kvæði. Leikurinn...

Það eru þeir Radíusbræður, Davíð Þór og Steinn Ármann, sem leiða saman hesta sína á ný í íslensku útgáfunni af þessum víðfrægðu Ricky Gervais uppistandssýningum. Hafa þeir gert þessar sýningar að sínum eigin með hjálp leikstjórans Gunnars B. Guðmundssonar, sem leikstýrði síðasta Skaupi og kvikmyndinni Astrópíu. Sýningin var frumsýnd í Borgarleikhúsinu á vormánuðum og verður sýnd hjá Leikfélagi Akureyrar í Samkomuhúsinu fimmtudaginn 27. og föstudaginn 28. maí Sýningin byggir á tveimur vinsælustu uppistandssýningum Bretlands fyrr og síðar; Animals og Politics, en höfundur þeirra er snillingurinn Ricky Gervais. Hann sló sem kunnugt er rækilega í gegn sem höfundur og aðalleikari...

Hugleikur leggur land undir fót í dag. Sýningu félagsins á leikritinu Útsýni eftir Júlíu Hannam hefur verið boðið á leiklistarhátíð sænska áhugaleikhússambandsins, ATR, í Västerås, sem fram fer 29. apríl til 4. maí. Leikstjórn Útsýnis er í höndum gamalkunnra Hugleikara, þeirra Rúnars Lund og Silju Bjarkar Huldudóttur, en þau hafa bæði starfað með leikfélaginu í yfir tuttugu ár. Hlutverkin fjögur skipa Elísabet Indra Ragnarsdóttir, Guðrún Eysteinsdóttir, Sigurður H. Pálsson og Þráinn Sigvaldason. Höfundur frumsaminnar tónlistar í sýningunni er Gunnar Ben. Útsýni fjallar um samskipti tvennra hjóna, þar sem eiginmennirnir eru æskuvinir. Verkið er í tveimur þáttum og gerast þeir...

Söngleikurinn Ástin er diskó, lífið er pönk verður frumsýndur í Þjóðleikhúsinu fimmtudaginn 1. maí nk. Frá Stóra sviðinu berast nú taktfastir diskótónar í bland við argasta pönk því viðfangsefni Hallgríms Helgassonar, höfundar verksins, er litríkur átakatími í íslensku menningarlífi. Í verkinu hljóma gamlar (og nýjar) diskó- og pönkperlur í frábærum flutningi okkar bestu listamanna. Leikstjóri er Gunnar Helgason en tónlistarstjóri er Þorvaldur Bjarni Þorvaldsson.   Tímabilið í kringum 1980 var um margt merkilegt í tónlistarsögu okkar, diskóæðið var í algleymingi og hérlend dægurlagatónlist litaðist af henni á sama tíma og pönkið gerði strandhögg og hleypti öllu í bál og...

49 ára gamlan mann? Hann vinnur hjá skattinum… og týndi skjalatöskunni sinni… og fann aðra með 400 milljónum… Leikfélag Sauðárkróks sýnir gamanleikinn Viltu finna milljón? eftir Ray Cooney í nýrri leikgerð og þýðingu Gísla Rúnars Jónssonar. Frumsýning verður sunnudaginn 27. apríl klukkan 20:30 í Bifröst á Sauðárkróki. Leikstjóri er Jón St. Kristjánsson. Aumingja Haraldur, hann veit bara ekkert í hvorn fótinn hann á að stíga. Hann týndi skjalatöskunni sinni með hönskunum, treflinum og gemsanum og fékk aðra fulla af peningum í staðinn. Það er ekki gott að týna gemsanum sínum en er gott að finna tösku fulla af peningum?...