Author: lensherra

Sigurður Skúlason leikari heldur námskeið í textaflutningi, laust mál og bundið á einleikjahátíinni Act alone sem haldin verður á Ísafirði í sumar. Yfirskrift námskeiðsins er „Hvað felst í textanum og hvernig komum við því til skila í flutningi?“. Kennt verður fimmtudaginn 3. og föstudaginn 4. júlí í Háskólasetri Vestfjarða þar sem skráning fer jafnframt fram í síma 450 3040 eða á netfanginu info@hsvest.is. Þátttökugjald er 10.000. Mikilvægi þess að geta greint texta og túlkað er mikilvægt öllum leikurum sem og öðrum sem koma fram hvort heldur á bæjarstjórnarfundi eða á þorrablóti. Sigurður Skúlason er vel kunnur fyrir leik sinn...

Á hverju ári stendur Þjóðleikhúsið fyrir vali á athyglisverðustu áhugaleiksýningu leikársins. Þjóðleikhússtjóri, Tinna Gunnlaugsdóttir, tilkynnti um valið á áhugasýningu ársins á þingi Bandalags íslenskra leikfélaga í Skagafirði þann 3. maí s.l., en fyrir valinu í ár varð sýning Halaleikhópsins á Gaukshreiðrinu, leikgerð Dale Wasserman byggðri á skáldsögu Ken Kesey í þýðingu Sonju B. Jónsdóttur. Að venju verður sýningin sem fyrir valinu varð sýnd í Þjóðleikhúsinu, en Gaukshreiðrið verður sýnt á Stóra sviðinu miðvikudaginn 4. júní nk. Leikstjóri sýningarinnar er Guðjón Sigvaldason. Markmið Halaleikhópsins er að „iðka leiklist fyrir alla“. Hópurinn hefur sett upp sýningar ár hvert sem margar hverjar...

Leiklistarsamband Íslands boðar til fréttamannafundar föstudaginn 16. maí á Stóra sviði Þjóðleikhússins. Fundurinn hefst kl. 16. Tilkynnt verður um hvaða sýningar og listamenn hljóta tilnefningar til Grímunnar – Íslensku leiklistarverðlaunanna árið 2008. Forseti Íslands Hr. Ólafur Ragnar Grímsson, sem jafnframt er verndari Grímunnar, afhendir þeim listamönnum viðurkenningar er tilnefningar hljóta. Gríman – Íslensku leiklistarverðlaunin verða svo veitt við hátíðlega athöfn föstudaginn 13. júní í Þjóðleikhúsinu. Þetta verður í sjötta sinn sem Grímuhátíðin er haldin, en Gríman var fyrst veitt sumarið 2003 í Þjóðleikhúsinu. Hátíðin verður sýnd í beinni útsendingu Sjónvarpsins.   Alls komu 80 frumsýnd sviðsverk til álita til...

Íslenskum áhorfendum gefst nú einstakt tækifæri til að sjá hina óvenjulegu og rómuðu samísku leiksýningu Sá hrímhærði og draumsjáandinn. Samíska leikhúsið Beaivvᚠsýnir verkið í Kassanum í Þjóðleikhúsinu þriðjudagskvöldið 27. maí nk. Leikstjóri sýningarinnar og listrænn stjórnandi leikhússins er Haukur J. Gunnarsson. Haukur er íslenskum áhorfendum að góðu kunnur fyrir uppsetningar sínar og gestaleiki hér á landi, en hann hefur lengst af starfað á Norðurlöndum. Haukur hefur kynnt sér náið menningararfleifð Sama og japanska leikhúshefð, og hefur þannig einstaka stöðu í leikhúsheiminum. Nils Aslak Valkeapää, höfundur leikritsins „Sá hrímhærði og draumsjáandinn“ er þekktasta ljóð- og tónskáld Sama. Líkt og...

Vegna framkvæmda fyrir framan húsnæði félagsins höfum við breytt sýningartímum og bjóðum nú uppá 2 fyrir 1 á allar sýningar! Jafnframt minnum við fólk á að mæta tímanlega, þar sem ekki er nein bílastæði að fá fyrir framan húsið. Hægt er að leggja bílum við Hafnarfjarðarkirkju eða við Gamla bókasafnið í Hafnarfirði. Sýningarnar sem eftir eru á Barninu, eru því: sunnudagurinn 18. maí klukkan 20 sunnudagurinn 25. maí klukkan 20 föstudagurinn 30. maí klukkan 20 – Lokasýning og jafnframt afmælissýning vegna 100 ára afmælis Hafnafjarðarbæjar. Miðaverð er aðeins 1500 krónur og hægt er að panta miða í síma 555-1850...