Author: lensherra

Þjóðleikhúsið frumsýnir leikritið Heiður laugardaginn 24. janúar nk. í Kassanum við Lindargötu 7. Leikstjóri sýningarinnar er Bjarni Haukur Þórsson. Hér er á ferðinni einstaklega vel skrifað dramatískt verk um hjónabandið, ástina og ábyrgð okkar á eigin hamingju. Leikarar í sýningunni eru Anna Kristín Arngrímsdóttir, Arnar Jónsson, María Ellingsen og Sólveig Arnarsdóttir. Höfundur leikritsins er ástralska leikskáldið Joanna Murray-Smith en hún er eitt af þekktustu leikskáldum Ástralíu. Hún hefur skrifað á annan tug leikrita, skáldsögur, kvikmyndahandrit og sjónvarpsleikrit, og unnið til fjölda verðlauna fyrir ritstörf sín. Heiður eða Honour var frumflutt árið 1995, og verkið hefur verið sýnt í fjölda uppsetninga...

Leikfélag Kópavogs heldur almennan félagsfund laugardaginn 24. janúar kl. 14.00 í Leikhúsinu að Funalind 2. Á dagskrá er kynning á starfsemi félagsins fram á vor. Markmiðið er öðrum þræði að kanna hverjir ætla sér að taka þátt í þeim verkefnum sem framundan eru. Nýir félagar eru sérstaklega boðnir velkomnir. Þörf er á félögum í ýmis störf, hvort sem er á sviði eða utan þess. Leikfélagið hefur nýverið lokið sýningum á Skugga-Sveini sem gekk afar vel og urðu sýningar alls 19 talsins. Félagið er nú að undirbúa ýmis verkefni á vormisseri og verða þau kynnt á ofangreindum félagsfundi....

Æfingar standa nú yfir hjá Leikfélagi Selfoss á nýju íslensku barnaleikriti sem hlotið hefur nafnið Sjóræningjaprinsessan. Höfundur og leikstjóri er Ármann Guðmundsson en hann semur einnig tónlist verksins ásamt Guðmundi Svafarssyni. Sýnt verður í Litla leikhúsinu við Sigtún  og frumsýning er áætluð 20. febrúar. Leikritið segir frá Soffíu sem alist hefur upp á hafnarknæpunni Sporðlausu hafmeyjunni eftir að hún birtist þar með vofeiflegum hætti ásamt dularfullum kistli þegar hún var ungabarn. Þegar tveir skuggalegir næturgestir birtast og ræna kistlinum ákveður Soffía að taka málin í eigin hendur og sanna í leiðinni að hún sé hin eina sanna sjóræningjaprinsessa. Alls...

Leikfélag Hafnarfjarðar hyggst setja upp nú í vetur barnaleikritið Fúsa Froskagleypi sem byggt er á samnefndri sögu danska rithöfundarins Ole Lund Kirkegaard. Lárus Vilhjálmsson, leikstjóri verksins, ætlar að halda fyrsta fund vegna Fúsa Froskagleypis á laugardaginn næstkomandi (17. janúar) klukkan 12:00 í Gamla Lækjarskóla í Hafnarfirði. Lárus ætlar að ræða um verkið, hvernig vinnuferlið verður, leikhópinn, hlutverkin ofl. í þessum dúr. Allir sem hafa áhuga á að taka þátt, ungir sem gamlir, feitir sem mjóir, fagrir sem fríðir, frískir sem ófrískir og allt þar á milli eru hvattir til þess að mæta ! Sjáumst á laugardaginn 🙂 Stjórn LH...