lensherra | Leiklistarvefurinn

Halaleikhópurinn frumsýnir Sjeikspírs karnival

Posted by lensherra | jan 28, 2009 | Fréttir |

Þann 31. janúar n.k. mun Halaleikhópurinn frumsýna leikritið Sjeikspírs Karnival í leikgerð Þrastar Guðbjartssonar, sem einnig leikstýrir sýningunni. Unnið upp úr þremur verkum Shakespears: Þrettándakvöldi, Draumi á Jónsmessunótt og Hinriki IV. Þetta er ærslafullur gamanleikur, sem gerist á einum degi í Illiríu á Karnivali hjá Orsínó greifa. Hann er dapur og því koma vinir hans og leika fyrir hann alls kyns gamanleiki, til að létta honum lífið. Við sögu koma margar af þekktustu gamanleikjapersónum Shakespears, eins og t.d. Malvólíó, Tóbías Búlki, Andrés Agahlýr o.fl. Þetta er sem fyrr segir, eitt allsherjar grín frá upphafi til enda. 18 leikarar...

Sjá meira

Stærsta leiklistarhátíð Íslands haldin á Austurlandi

Posted by lensherra | jan 28, 2009 | Fréttir |

Þrettán leikhópar ungs fólks á Austurlandi undirbúa nú sýningar á þremur nýjum, íslenskum leikritum. Uppsetning verkanna er liður í Þjóðleik, leiklistarhátíð ungs fólks á Austurlandi, sem er samstarfsverkefni Þjóðleikhússins og Menningarmiðstöðvar Fljótsdalshéraðs. Tómas Már Sigurðsson, forstjóri Alcoa á Íslandi, afhenti forsvarsmönnum verkefnisins um tveggja og hálfrar milljón króna styrk frá alþjóðlegum Samfélagssjóði Alcoa við athöfn í höfuðstöðvum Alcoa Fjarðaáls í Reyðarfirði í dag. Hátt í tvöhundruð ungmenni í þrettán leikhópum af öllu Austurlandi, allt frá Vopnafirði að Höfn í Hornafirði, taka þátt í Þjóðleik og æfa nú ný leikverk eftir Bjarna Jónsson, Sigtrygg Magnason og Þórdísi Elvu Þorvaldsdóttur Bachmann...

Sjá meira

…og þú hélst að þín fjölskylda væri slæm!

Posted by lensherra | jan 27, 2009 | Gagnrýnandinn |

Leikfélag Ölfuss virðist komið til að vera. Félagið hefur á undanförnum árum fengið til liðs við sig góða leikstjóra og sett upp skemmtilegar sýningar. Góð blanda sem skilar árangri. Nú er komið á fjalirnar í Versölum leikritið Blúndur og blásýra, kolsvört kómedía um Brewster fjölskylduna sem er langt frá því að vera öll þar sem hún er séð. Guðmundur Karl Sigurdórsson brá sér á sýninguna. Umfjöllunin var upphaflega birt í Sunnlenska fréttablaðinu 21. janúar sl. og er birt með góðfúslegu leyfi höfundar. Leikhúsgagnrýnandinn Mortimer Brewster býr hjá frænkum sínum tveimur í Brooklyn. Á ættaróðalinu býr einnig geðklofa Brewster bróðir...

Sjá meira

Haustfundur Bandalags íslenskra leikfélaga 22.11. 2008

Posted by lensherra | jan 23, 2009 | Bandalagið |

Haldinn að Funalind 2 Kópavogi kl. 13.00. 1. Úthlutunarreglur Þorgeir Tryggvason, formaður Bandalagsins, rifjaði upp umræðu frá síðastliðnum aðalfundi. Þá var ákveðið að 100% styrkur fengist fyrir sýningar sem næðu 80 mínútum. Einnig var rætt um hvort að hækka ætti styrki til þeirra leikfélaga sem senda fólk í Bandalagsskólann og hvort sá styrkur ætti aðeins að vera fyrir námskeið í sumarskólanum eða öll námskeið. Hörður Sigurðarson, lénsherra, sagði að ef breyta ætti úthlutunarreglunum ætti að stefna að því að einfalda þær, ekki flækja. Hann sagði að umræddur námskeiðsstyrkur hefði fyrst og fremst verið hugsaður sem hvatning fyrir leikfélögin til að senda fólk í skólann, en ekki til að ráða úrslitum um hvort fólk færi. Vilborg Valgarðsdóttir, framkvæmdastjóri Bandalagsins, kynnti núverandi úthlutunarreglurnar og hvernig þeim er framfylgt. Ása Hildur Guðjónsdóttir, Halaleikhópnum, taldi það mikilvægt að hækka styrki til námskeiðhalds hjá félögum þar sem það sé dýrt að halda slík námskeið og þau séu mikilvægur liður í að styrkja innri starfsemi leikfélaganna. Ekki ættu allir þess kost að sækja Bandalagsskólann. 2. Gagnrýni á Leiklistarvefnum Hörður kynnti hugmyndir sínar um gagnrýni á leiksýningar áhugafélaganna á leiklistarvefnum. Hann sagðist telja það nauðsynlegt að leikfélögin fengju faglega umfjöllun um sýningar sínar og þar sem enginn fjölmiðill virðist telja sig þess megnugan að bjóða uppá slíkt yrðu leikfélögin sjálf að sjá til þess að þetta yrði gert. Hann lagði fram eftirfarandi tillögu: Umfjöllun um leiksýningar...

Sjá meira

Góð aðsókn að Blúndum og blásýru

Posted by lensherra | jan 21, 2009 | Fréttir |

Gamanleikritið Blúndur og blásýra var frumsýnt sl. föstudagskvöld fyrir fullu húsi í Versölum, Þorlákshöfn. Uppselt var á 2. sýningu á laugardagskvöldið og hafa viðtökur verið vægast sagt góðar. Næsta sýning verður miðvikudagskvöldið 21. janúar klukkan 20 og eru örfá sæti laus á þá sýningu. Miðapantanir í síma 893-1863 (Ásta). Miðasala opnar í Versölum klukkustund fyrir sýningu. Næstu sýningar: Miðvikudagur 21. janúar kl. 20 Föstudagur 23. janúar kl. 20 Laugardagur 24. janúar kl. 20 Miðvikudagur 28. janúar kl. 20...

Sjá meira