Author: lensherra

Jólahrun – jóladagskrá Hugleiks árið 2009 verður sýnd sunnudaginn 13. desember og mánudaginn 14. desember kl. 20.00 bæði kvöld. Sýnt verður í húsnæði leikfélagsins að Eyjarslóð 9. Tekið verður á móti frjálsum framlögum við innganginn, auk þess sem kaffi og piparkökur verða seldar í fjáröflunarskyni. Alls verða sýnd þrjú stuttverk á dagskránni en þau eru:1) Jól í fæðingu eftir Árna Friðriksson í leikstjórn Harðar S. Dan en með hlutverkin fara Ríkey Júlíusdóttir og Þráinn Sigvaldason2) Mamm’ennar Evu eftir Unni Guttormsdóttur í leikstjórn Harðar S. Dan en með hlutverkið fer Elísabeth Lind Ingólfsdóttir3) 8 eftir Sigríði Láru Sigurjónsdóttur í leikstjórn...

Tvær auka-aukasýningar á Heilsugæslunni verða á Café Catalinu í Kópavogi um helgina. Leikurinn hefur verið sýndur þrívegis á Catalinu og nú eru síðustu aukasýningar. Fyrri sýningin er föstudaginn 11. desember og sú seinni daginn eftir, laugardaginn 12. desember, báðar sýningarnar hefjast kl. 21.30. Takið eftir þetta eru síðustu sýningar á Heilsugæslunni á höfuðborgarsvæðinu í bili. Í janúar er svo fyrirhugað að sýna á norðurlandinu. Við hrósum okkur af háum meðalaldri, þjónustu í hæsta gæðaflokki og frábærum læknum. En er kerfið eins gott og af er látið? Er það hugsanlega farið að vinna gegn tilgangi sínum? Er aukinni eftirspurn sjúkdóma...

„Þegar hátíð fer í hönd, búa menn sig undir hana, hver á sína vísu.“ Þannig hefst saga Gunnars Gunnarssonar, Aðventa. Bókin kom út árið 1939 og er hún sú saga Gunnars sem víðast og oftast hefur verið gefin út. Hér er sagt frá svaðilförum vinnumannsins Benedikts sem fer til fjalla í vetraríki aðventunnar að leita þess fjár sem eftir varð er smalað var um haustið. Sagan byggir á  frásögnum af frægum svaðilförum Benedikts Sigurjónssonar,  öðru nafni Fjalla-Bensa, á Mývatnsöræfum. 
Hér er á ferðinni klassísk saga um náungakærleika og fórnfýsi. Leikari í sýningunni er Pétur Eggerz Leikstjóri og höfundur leikgerðar:...

Leikfélagið Peðið hefur tekið til sýninga Grandlendingasögu eftir Jón Benjamín Einarsson i leikstjórn Guðjóns Sigvaldasonar. Verkið fjallar í stuttu máli um hremmingar lítillar þjóðar og úrlausnir hennar til að koma sér út úr þeirri klípu sem þjóðin hefur komið sér í. Sagan gerist á ýmsum tímabilum í grandlensku sögunni og til eru kallaðir ýmsir litríkir karakterar til að finna lausnir á vandanum. Það eru fá lönd í hinum vestræna heimi, sem hefur haldist jafn ömurlega á frelsi sínu og sjálfstæði, og Grandland. Þar er allt í rúst og engin veit hvers vegna. Marga grunar þó að smáskítlegur klíkuskapur ásamt...

Leikfélag Akureyrar frumsýndi nýskeð fjölskylduleikritið Lykillinn að jólunum eftir Snæbjörn Ragnarsson í leikstjórn Kolbrúnar Bjartar Sigfúsdóttur. Snæbjörn semur jafnramt tónlistina ásamt Baldri Ragnarssyni. Lykillinn að jólunum verður sýnt í Rýminu allar helgar fram að jólum. Hvernig komast jólasveinarnir yfir að gefa í alla þessa skó á einni nóttu? Mörg þúsund gluggar og aðeins einn sveinn til að laumast inn um þá alla, hvernig er það hægt? Svarið leynist í læstum skáp á Vinnustofu jólanna uppi í fjöllum. Þar vinna þau Signý álfastelpa, Stúfsa og  Baldur gamli, en hann einn býr yfir leyndarmálinu um jólasveinana og skóna. Hann geymir lykilinn að...