Author: lensherra

Á verkalýðsdaginn 1. maí frumsýnir Leikfélag Sauðárkróks gamanleikinn Svefnlausa brúðgumann eftir Arnold og Bach. Leikstjóri er Jakob S. Jónsson, sem einnig gerði nýja leikgerð af handriti og staðfærði þýðingu Sverris Haraldssonar. Sýningar verða í Félagsheimilinu Bifröst á Sauðárkróki. Svefnlausi brúðguminn fjallar um nýgift hjón sem lenda óvæntri uppákomu í brúðkaupsferðinni. Eitthvað fara tengdaforeldrar brúðgumans að skipta sér af, en það kann ekki alltaf góðri lukku að stýra. Málin flækjast svo stig af stigi eins og góðum farsa sæmir, en enginn hlýtur þó varanlegan skaða af. Ríflega 30 manns hafa staðið í ströngu undanfarnar 8 vikur við að koma verkinu á...

Sunnudaginn 1. maí verður leikritið Sindri  silfurfiskur eftir Áslaugu Jónsdóttur í leikstjórn Þórhalls Sigurðssonar , sýnt í síðasta sinn í barnaleikhúsi Þjóðleikhússins, Kúlunni. Í sýningunni er beitt sérstakri ljósatækni til þess að skapa undraveröld hafsins og skrautlegir fiskar, stórir og smáir, synda fyrir augum áhorfandans. Þetta er undurfallegt ævintýri um að það sé allt í lagi að vera öðruvísi en aðrir, og vera sáttur við sjálfan sig eins og maður er. Sýningin hlaut tilnefningu til Grímunnar sl. ár og var sýnd á barnaleikhúshátíð í Svíþjóð vorið 2010, þar sem hún fékk frábærar viðtökur. Sindri syndir aftur til útlanda í...

Alls sækja 13 leikfélög með 16 sýningar um að koma til greina sem Athygliverðasta áhugaleiksýningin 2010-2011 og verða þar með boðið að sýna verkið í Þjóðleikhúsinu í lok leikárs. Niðurstöður valnefndar verða tilkynntar á hátíðarkvöldverð aðalfundar Bandalagsins í Mosfellsbæ laugardaginn 30. apríl nk. Valnefndina skipa þau Melkorka Tekla Ólafsdóttir leiklistarráðunautur, Stefán Hallur Stefánsson leikari og Tinna Gunnlaugsdóttir Þjóðleikhússtjóri. Sýningarnar sem sækja um eru: 1. Freyvangsleikhúsið – Bannað börnum2. Freyvangsleikhúsið – Góði dátinn Svejk3. Halaleikhópurinn – Góðverkin kalla!4. Hugleikur – Einkamál.is 5. Hugleikur – Helgi dauðans6. Leikdeild Umf. Íslendings – Með fullri reisn7. Leikdeild Ungmennafélags Gnúpverja – Gaukssaga 8. Leikfélag...

Undanfarin ár hefur skapast hefð fyrir því að Starfsmannafélag Skagafjarðar og Starfsmannafélag Heilbrigðisstofnunarinnar Sauðárkróki bjóði félögum sínum á Sæluvikustykki Leikfélags Sauðárkróks. Býður Starfsmannafélag heilbrigðisstofnunarinnar einn miða en Starfsmannafélag Skagafjarðar býður sínu fólki tvo miða. Sýning Leikfélags Sauðárkróks í næstkomandi Sæluviku er gamanleikurinn Svefnlausi brúðguminn eftir Arnold og Bach, sem frumsýndur verður sunnudaginn fyrsta maí. Miðasala hefst með formlegum hætti í Kompunni þriðjudaginn eftir páska, en þangað til er hægt að kaupa miða, eða panta ef maður á boðsmiða, í síma 849-9434. Gert er ráð fyrir 8 sýningum svo það er um að gera að nýta sér kostaboð starfsmannafélaganna og...