Author: lensherra

Þann 8. mars verður Alþjóðlegur baráttudagur kvenna haldinn hátíðlegur um allan heim eins og gert hefur verið í yfir 100 ár. Af því tilefni efnir Borgarleikúsið til sérstakrar styrktarsýningar á Eldhafi þann 7. mars næstkomandi þar sem allur ágóði rennur til samtaka UN Women á Íslandi. Sýningin hefst kl 19 og að henni lokinni gefst áhorfendum færi á að taka þátt í umræðum með aðstandendum verksins og fulltrúum UN Women. UN Women starfar á vegum Sameinuðu þjóðanna í þágu kvenna og jafnréttis og veitir fjárhagslega og faglega aðstoð til að bæta stöðu kvenna í fátækustu löndum heims og stríðsátakasvæðum....

Evgenía lifir fábrotnu lífi og sinnir tilbreytingasnauðu starfi á opinberri stofnun. Dag einn knýja örlögin dyra í mynd rykfallins lögfræðings. Erindi hans er að greina frá fráfalli föðurins sem hún aldrei kynntist og koma til hennar arfi. Föðurarfur Evgeníu er sannarlega óvanalegur og líf hennar tekur í kjölfarið heljarstökk með tvöfaldri skrúfu – upp frá þessu verður ekkert venjulegt í tilveru Evgeníu. En hvað er annars venjulegt!? Leikfélag Kópavogs frumsýnir nýtt íslenskt leikverk er nefnist Hringurinn, sunnudaginn 26. febrúar næstkomandi. Verkið er eftir Hrefnu Friðriksdóttur, leikstjóri er Hörður Sigurðarson, Sváfnir Sigurðarson leggur til tónlist og hljóðmynd og Skúli Rúnar...

Rose Bruford College of Theatre and Performance, einn af fremstu leiklistarskólum Evrópu, býður upp á nám á öllum sviðum leikhússins. Skólinn bíður upp á nám til BA gráðu í almennri leiklist, leiklist og tónlist, Amerískum leiklistarhefðum, Evrópskum leiklistarhefðum, búningahönnun, ljósahönnun, hljóðhönnun, sviðsstjórn, sviðslistum og leikhúshönnun. Og MA gráðu í leikhús fyrir unga áhorfendur og Ensemble Theatre. Inntökupróf og viðtöl fyrir allar deildir fara fram í Hinu húsinu, Reykjavík 3. og 4. mars fyrir inngöngu í september 2012. Nánari upplýsingar og skráning á admission@bruford.ac.uk og www.bruford.ac.uk...