Nei ráðherra! í Hofi laugardaginn 3. mars

Nei ráðherra! í Hofi laugardaginn 3. mars

Næstkomandi laugardag, hefjast sýningar á gleðileiknum Nei ráðherra! í Menningarhúsinu Hofi á Akureyri. Hér er á ferðinni drepfyndið verk úr smiðju Ray Cooney í íslenskri heimfærslu Gísla Rúnars Jónssonar. Fyrirhugaðar eru fjórar sýningar í viðbót fyrir norðan á Nei ráðherra!, laugardaginn 10. mars kl. 19 og 22 og föstudaginn 16. mars, einnig kl. 19 og 22. Leikstjórn er í höndum Magnúsar Geirs Þórðarsonar leikhússtjóra.

Ýmsum óþrifnaði hefur ráðherrann ungi sópað undir teppi, atvinnulygarinn sjálfur, en þó aldrei dauðum manni og það á hótelherbergi – með viðhaldinu – sem er innsti koppur í búri stjórnarandstöðunnar. Það stóð ýmislegt til í þessu hótelherbergi en ekki þetta! Hvað gera ráðherrar nú? Þeir hringja auðvitað í strangheiðarlegan og vammlausan aðstoðarmann sem lendir í skítverkunum eins og venjulega. Það þarf að sjá um viðhaldið, fela verksummerki, losna við líkið, bera fé á útsmoginn þjón og síðast en ekki síst að halda öllu leyndu fyrir afbrýðisömum eiginmönnum og -konum.

Þessi drepfyndni gamanleikur kemur úr smiðju Ray Cooney (1932), konungs gamanleikjanna. Nei, ráðherra (Out of Order) hlaut hin eftirsóttu Olivier-verðlaun sem besti gamanleikurinn í Bretlandi þegar verkið var frumsýnt og hefur farið sigurför um heiminn. Sýningin sló rækilega í gegn hér á landi og var sýnt 55 sinnum í Borgarleikhúsinu síðasta vor fyrir troðfullu húsi. Áhorfendur veltust um af hlátri og gagnrýnendur lofuðu sýninguna í hástert. Á Grímuhátíðinni var hún svo valin sýning ársins af áhorfendum. Einvalalið leikara tekur þátt í sýningunni, Guðjón Davíð Karlsson, Lára Jóhanna Jónsdóttir, Hilmar Guðjónsson og Sigurður Sigurjónsson eru í burðarhlutverkum.

{mos_fb_discuss:2}

0 Slökkt á athugasemdum við Nei ráðherra! í Hofi laugardaginn 3. mars 785 01 mars, 2012 Allar fréttir mars 1, 2012

Áskrift að Vikupósti

Karfa