Author: lensherra

Nú er hver að verða síðastur til að sjá þessa stórskemmtilegu uppfærslu Leikfélags Selfoss á Sólarferð eftir Guðmund Steinsson því nú er komið að allra síðustu sýningu! Hún verður sýnd miðvikudaginn 4. apríl kl. 20 í Litla leikhúsinu á Selfossi. Leikstjóri er Rúnar Guðbrandsson. Verkið hefur fengið frábærar viðtökur og hefur verið uppselt á hverja sýninguna á fætur annarri. Leikritið gerist á miðjum áttunda áratugnum og fjallar um ferð nokkurra íslenskra hjóna til Costa del Sol. Þau ætla sannarlega að njóta sólarinnar, enda er hún ástæðan fyrir ferðum hins fölbleika landa til útlanda, sem og frelsisins sem fylgir því...

Leikfélag Ólafsfjarðar frumsýnir þann 5. apríl nk. farsann Sex í sveit eftir Marc Camoletti, en Gísli Rúnar Jónsson, þýddi og staðfærði. Leikstjóri er Saga Jónsdóttir og verða sýningar í Tjarnarborg. Sex í sveit er farsi af hröðustu gerð, og áhorfendur þurfa að hafa sig alla við til að fylgjast með flækjunni og innbyrða alla brandarana um leið. Verkið er hefðbundinn framhjáhaldsfarsi þar sem næstum allir hafa eitthvað að fela, og smám saman verða aðferðirnar til að fela það enn pínlegri en það sem upphaflega átti að halda leyndu. Úr verður fyndin flækja sem leysist í raun ekki, lausnin minnir...

Miðvikudaginn 4. apríl frumsýnir Leikfélag Dalvíkur gamanleikritið Grjóthaldiði kjafti eftir breska leikskáldið Michael Frayn í þýðingu Gísla Rúnars Jónssonar. Leikstjóri er Aðalsteinn Bergdal, lýsingu hannaði Pétur Skarphéðinsson og hönnun sviðsmyndar er í höndum Kristjáns Guðmundssonar, Árna Halls Júlíussonar og Aðalsteins Bergdal. Verkið fjallar um hóp gamanleikarasem ásamt leikstjóra og baktjaldafólki eru að æfa breskan svefnherbergisfarsa með tilheyrandi framhjáhaldi og misskilningi. Áhorfendur verða annars vegar vitni að því sem gerist á sviðinu og hins vegar því sem á sér stað baksviðs, en það útsýni býður upp á mun fyndnari farsa en þann sem fram fer á sviðinu sjálfu. Níu leikarar...

Þann 4. apríl næstkomandi frumsýnir Stúdentaleikhúsið nýtt íslenskt leikverk í leikstjórn Ragnheiðar Skúladóttur (fyrrverandi deildarforseta leiklistardeildar LHÍ). Stúdentaleikhúsið samanstendur af 12 upprennandi sviðslistamönnum sem komu saman í janúar og lögðu upp með að gera sýningu út frá „devised“ aðferðum. Í hópnum eru meðal annars tveir tilvonandi leikarar sem fengu inngöngu í leikaradeild Listaháskóla Íslands nú í vor. Verkið ber nafnið Rof og var ort inn í Iðnó, þar sem leikhópurinn hefur verið við vinnu síðastliðnar vikur. Í grunninn fjallar verkið um ólíkan veruleika leikarans og áhorfandans og það hvernig þessir heimar skarast á. Um leið hefur hópurinn unnið út...