Author: lensherra

Jólafrumsýning Þjóðleikhússins í ár er Macbeth eftir Shakespeare í leikstjórn hins margverðlaunaða leikstjóra Benedicts Andrews. Miðasala er hafin en sýningatímabilið verður óvenju stutt, einungis verður sýnt út janúar. Margir bíða jólafrumsýningar Þjóðleikhússins með eftirvæntingu og sýningin á Macbeth verður sannkölluð hátíðarsýning. Einn af eftirsóttari leikstjórum samtímans leikstýrir Birni Thors í hlutverki Macbeths og Margréti Vilhjálmsdóttur í hlutverki lafðinnar í þessu blóðuga verki. Að vanda er jólafrumsýning Þjóðleikhússins á annan dag jóla. Aðalæfing á verkinu verður kl. 14:00 á Þorláksmessu. Hún er öllum opin og verður miðaverð aðeins 2.000 krónur. Um verkið: Hið kynngimagnaða og blóðuga verk skáldjöfursins mikla, um...

Unglingadeild Leikfélags Kópavogs frumsýnir frumsamið leikverk er nefnist Milli tveggja heima, fimmtudaginn 22. nóvember kl. 20.00. Milli barnæsku og fullorðinsára er undarlegur heimur unglingsáranna. Spennandi og ógnvænlegur í senn, og ekki alltaf blíður þeim sem hann gista.„Hvernig er að vera ung manneskja í samfélagi okkar nútildags?“ Þannig spurðu krakkarrnir í unglingadeild Leikfélags Kópavogs sjálf sig í haust og lögðu strax af stað í leit að svari.  Út frá því spunnust umræður, sögur, frásagnir, litlar senur og stórar, spunatilraunir, tilfinningar, tónlist, andrúmsloft, ádeila og ýkjur. Næstum óteljandi hugmyndir. Milli tveggja heima er svarið við stóru spurningunni sem lagt var upp með...

Sunnudaginn 18. nóvember var leikritið Hamagangur í helli mínum frumsýnt hjá Leikfélagi Mosfellssveitar. Þetta er nýtt íslenskt jólaleikrit fyrir alla fjölskylduna eftir Maríu Guðmundsdóttur. Leikstjórar eru Ólöf Þórðardóttir og Eva Björg Harðardóttir. Um tuttugu manns koma að sýningunni sem er full af söng, glensi og gríni. Sýningar verða í Bæjarleikhúsinu Mosfellsbæ á sunnudögum kl. 16. Í leikritinu taka Grýla og Leppalúði að sér að sjá um að reka hótel í Mosfellsbæ á aðventunni og skilja jólasveinana eina eftir í hellinum á meðan. Þeir fá það hlutverk að ganga frá og pakka inn jólagjöfum til allra barnanna á íslandi. Það...

Áttundu aðventuna í röð sýnir Þjóðleikhúsið ævintýrið Leitina að jólunum. Undanfarin sjö ár hefur verið uppselt á allar sýningarnar og ef fer sem horfir verða 200 uppseldar sýningar á þessu skemmtilega aðventuævintýri komnar í hús fyrir jól. Það er því um að gera að bregðast skjótt við því að miðarnir renna út eins og heitt hangiket á jólum! Leikstjóri er Þórhallur Sigurðsson. Tveir skrýtnir og skemmtilegir náungar taka á móti litlum leikhúsgestum í anddyri Þjóðleikhússins. Með þeim í för eru tveir hljóðfæraleikarar og saman leiða þeir börnin með leik og söng um leikhúsið. Meðal viðkomustaða á ferðalagi þeirra eru...

Leikhópurinn Silfurtunglið frumsýnir föstudaginn 23. leikverkið Ég var einu sinni frægur þar sem stórleikararnir Þráinn Karlsson, Gestur Einar og Aðalsteinn Bergdal leika sig sjálfa, gamla, bitra, geðilla leikara sem halda að þeir séu virtir, dáðir og sívinsælir. Sýningin gerist á Kanarí og fjallar um ferð eldri borgara frá Akureyri til Kanarí sem fer algjörlega úr böndunum. Í sýninguna fléttast leikhústónlist úr þeim verkum sem hafa staðið upp úr á 50 ára leiklistarferli. Leikararnir nota sögur úr eigin reynslu, Gestur Einar þolir ekki Gogga úr Stellu í Orlofi, Alli Bergdal þolir ekki Skralla trúð og Þráinn Karlsson þolir ekki þegar...