Author: lensherra

Leikhópurinn Lotta frumsýnir Hróa hött, glænýtt íslenskt leikrit með söngvum í Elliðaárdalnum miðvikudaginn 28. maí, klukkan 18:00. Þetta er áttunda sumarið sem Leikhópurinn Lotta setur upp útisýningu en síðastliðin sumur hefur hópurinn tekist á við Gilitrutt, Stígvélaða köttinn, Mjallhvíti og dvergana sjö, Hans klaufa, Rauðhettu, Galdrakarlinn í Oz og Dýrin í Hálsaskógi. Að frumsýningu lokinni mun hópurinn í framhaldinu ferðast með sýninguna og heimsækja yfir 50 staði víðsvegar um landið. Höfundur Hróa hattar er Anna Bergljót Thorarensen. Þetta er fjórða leikritið sem hún skrifar fyrir hópinn en hún hefur verið meðlimur í Leikhópnum Lottu frá stofnun hans árið 2006....

Leikfélag Hafnarfjarðar boðar til aðalfundar leikfélagsins laugardaginn 31. maí 2014, kl. 15:00. Aðalfundurinn verður haldinn í Gaflaraleikhúsinu, Strandgötu 50 í Hafnarfirði. Dagskrá aðalfundar er samkvæmt lögum félagsins:Kosning fundarstjóra og fundarritaraInntaka nýrra félagaSkýrsla formannsSkýrsla gjaldkera (bráðabirgðayfirlit)Kosning stjórnar og embættismanna sbr. 6. greinLagabreytingar sbr. 12. greinÁrgjaldÖnnur mál Komin er fram breyting á lögum félagsins sem lögð verður fyrir aðalfund. Lagabreytingin fylgir með í þessu fundarboði sem og lög félagsins og má nálgast þau í pdf formi með því að smella á tenglana hér að neðan.. Einungis skuldlausir félagar hafa atkvæðisrétt á aðalfundi. Stjórn Leikfélags Hafnarfjarðar. http://leikhaf.is/wp-content/uploads/2014/05/Lo%CC%88g-Leikfe%CC%81lags-Hafnarfjar%C3%B0ar.pdf...

Dansflokkurinn Fanclub sýnir verkið DEATH í Tjarnarbíó 29. og 30. maí. Dansflokkurinn Fanclub samanstendur af fjórum ungum konum sem fara sínar eigin leiðir og bjóða listamönnum sem þeim þykja spennandi í samstarf. Flokkurinn kynnir nú samstarf við tvo framsækna danshöfunda, Kim Hiorthøy (NO/SE) og Itamar Serussi (IL/NL), en sýningin er í tveimur hlutum og fjalla báðir um dauðann, þetta fyrirbæri sem við horfumst öll í augu við fyrr eða síðar.   Danshöfundarnir tveir hafa mjög ólíka stíla, og mynda bæði atriðin því áhugaverða heild, með sama rauða þráðinn. Annað atriðið er í formi söngleiks um daglegt líf, öll hversdagslegu...

Der Klang der Offenbarung des Göttlichen er leikhús án leikara; verk sem drifið er áfram af magnaðri tónlist Kjartans Sveinssonar og sérstæðum leikmyndum Ragnars Kjartanssonar. Þetta er óhefðbundin leikhúsupplifun, sem gerð var fyrir hið virta Berlínarleikhús Volksbühne og er nú frumsýnt í Borgarleikhúsinu miðvikudaginn 28. maí kl 20. Aðeins eru þrjár sýningar á verkinu og takmarkaður miðafjöldi er í boði. Ragnar Kjartansson ólst að miklu leyti upp í leikhúsinu þar sem foreldrar hans starfa báðir. Hann minnist þess einkum þegar leikarar voru fjarverandi og tæknirennsli fóru fram á sviðinu. Mikilfenglegar ljósabreytingar, leikmyndir og tónlist fengu óskipta athygli. Þessar bernskustundir úr Iðnó voru Ragnari innblástur þegar hann vann að þessari nýstárlegu leikgerð eftir skáldsögu Halldórs Laxness, Heimsljósi. Í myndlist sinni leitar Ragnar fanga í ólíkum listformum. Að þykjast og sviðsetja eru veigamiklir þættir í listrænni tilraun hans til að miðla tilfinningum af einlægni og veita áhorfendum ósvikna upplifun. Verk hans eru gáskafull...