Author: lensherra

Freyvangsleikhúsið frumsýnir í kvöld, fimmtudaginn 26. febrúar, söngleikinn Fiðlarann á þakinu eftir Joseph Stein og Jerry Bock í þýðingu Þórarinns Hjartarsonar. Leikstjórar eru þau Margrét Sverrisdóttir og Oddur Bjarni Þorkelsson, tónlistarstjóri er Brynjólfur Brynjólfsson og bróðir hans Ingvar Brynjólfsson sér um leikmynd. Leikurinn gerist í rússneska smáþorpinu Anatevka, þar sem mjólkurpósturinn Tevye býr ásamt fjölskyldu sinni. Tevye á í mesta basli með dætur sínar. Hver með sínum hætti vilja þær ganga í berhögg við hefðina og finna eiginmenn upp á eigin spýtur. Tevye lætur undan tveim elstu dætrum sínum en þegar sú þriðja vill giftast manni sem ekki er gyðingur, afneitar hann henni. Baksvið...

Vegna gífurlegrar aðsóknar verður leikritið Konan við 1000°, sem byggir á vinsælli skáldsögu Hallgríms Helgasonar, frumsýnt á Stóra sviði Þjóðleikhússins fimmtudagskvöld. Verkið hefur verið sýnt fyrir fullu húsi í Kassanum frá því í september og hlotið frábærar viðtökur. Þetta er fyrsta frumsýning leikstjórans Unu Þorleifsdóttur á Stóra sviðinu.   „Viðtökurnar hafa verið frábærar og mikill heiður að Konan við 1000° fái framhaldslíf á Stóra sviðinu” segir Una. Sýningar á Konunni við 1000° hefjast á Stóra sviðinu 26. febrúar og verður takmarkaður sýningafjöldi....

Leikfélag Selfoss frumsýnir á föstudaginn, 27. febrúar, gamanleikinn BÓT OG BETRUN eftir Michael Cooney í þýðingu Harðar Sigurðarsonar. Verkið segir frá Eric Swan sem grípur til bótasvika þegar hann missir vinnuna. Hins vegar fer svindlið úr böndunum og kemst Eric að því að stundum er auðveldara að komast á bætur en af þeim þegar boltinn er einu sinni farinn að rúlla. Bót og betrun er gamanleikur eins og þeir gerast bestir, hefðbundinn farsi með misskilningi, flækjum og pínlegum aðstæðum af öllu tagi eins og efnið ber með sér. Verkið á erindi við alla sem vilja upplifa gleði og glaum og gera...