Lína frumsýnd á Austurlandi

Lína frumsýnd á Austurlandi

Leikfélag Fljótsdalshéraðs frumsýnirbarnaleikritið Línu Langsokk þ. 5. nóvember, í hátíðarsalnum í Alþýðuskólanum á Eiðum.
Sjónarhóll verður sem sagt á Eiðum í nóvember, þar sem Lína verður með apa sinn, herra Níels og hestinn. Hún er sjóræningjadóttir sem er prakkari en líka hjartahlý stúlka sem elur sig sjálf upp með harðri hendi. Lína á fulla tösku af gullpeningum og er sterkasta stelpa í heimi.
Þessi skemmtilega saga eftir Astrid Lindgren lifir í hugum okkar allra en hún varð til á rúmstokki höfundar 1941 þegar dóttir hennar var lasin og hún stytti henni stundirnar með sögum af rauðhæðum ólátabelgi með freknur og stelpan skýrði hana Pippi, sem varð að Línu á íslensku. Leikfélagið er stolt af því að setja þetta gamalkunna barnaleikrit á svið.

Leikstjóri sýningarinnar er Jóel Sæmundsson, Freyja Kristjánsdóttir er tónlistarstjóri en Lína sjálf er leikin af Karenu Ósk Björnsdóttur. Frumsýning verður eins og áður sagði þri. 5. nóvember en sýningar verða síðan sem hér segir:

2. sýning – Mið. 6. nóv. kl. 18:00
3. sýning – Fös. 8. nóv. kl. 18:00
4. sýning – Lau. 9. nóv. kl. 15:00
5. sýning – Sun. 10. nóv. kl. 15:00
6. sýning – Sun. 10. nóv. kl. 18:00
7. sýning – Mið. 13. nóv. kl.18:00
Miðapöntun er á vef félagsins. Almennt miðaverð er 3.000 kr. en 2.500 kr. fyrir börn 4ra til 12 ára, eldri borgara og öryrkja.
3ja ára börn og yngri fá frítt inn.
Nánari upplýsingar á leikfelagfljotsdalsherads@gmail.com

0 Slökkt á athugasemdum við Lína frumsýnd á Austurlandi 447 29 október, 2019 Allar fréttir, Fréttir, Vikupóstur október 29, 2019

Áskrift að Vikupósti

Karfa