Author: lensherra

Verkið Lífsins tré eftir Böðvar Guðmundsson, í leikgerð Bjarna Jónssonar, verður frumsýnt á nýja sviði Borgarleikhússins fimmtudaginn 27. október. Leikstjóri er Þórhildur Þorleifsdóttir. Verkið er sjálfstætt framhald Híbýla vindanna sem frumsýnd voru í janúar 2005 og hlutu frábærar viðtökur. “Lífsins tré” leiðir áhorfandann á slóðir Íslendinga í Winnipeg, þar sem þeir hafa tekið upp breska siði, aka í cörum, reka verslun, sníða kjóla og reisa vöruhús og bindindishallir. Jens Duffrín, yngsti sonur Ólafs fíólín og Elsabetar, seinni konu hans, er kynlegur kvistur á ættartré fólksins frá Seyru í Borgarfirði.  Eftir að hafa slitið barnsskónum í hreysahverfum Winnipeg og meðal Mennóníta, flakkar Jens um Bandaríkin með Alþjóðasirkusnum í Minneapolis.  Síðar gerist hann götusópari í sinni heimaborg og hermaður bresku krúnunnar.  Málmfríður systir hans helgar líf sitt hins vegar fjölskyldu sinni, börnum og “Dætrum fjallkonunnar”, framfarafélags íslenskra kvenna.  Bréf hennar til Ólafs heiðarsveins, bróðurins sem varð eftir á Íslandi, eru einlægur vitnisburður um gleði og sorgir Vesturíslendinga.  Þau varpa einnig ljósi á tónlistargáfu ættmenna Ólafs fíólín og þörf þeirra fyrir að finna henni farveg í lífi sínu. Halldór Gylfason leikur Jens Duffrín,  Eggert Þorleifsson leikur Ólaf fíólín og Sóley Elíasdóttir konu hans Elsabetu. Með önnur hlutverk fara Sigrún Edda Björnsdóttir, Hildigunnur Þráinsdóttir, Gunnar Hansson, Edda Björg Eyjólfsdóttir, Björn Ingi Hilmarsson, Valur Freyr Einarsson og Þór Tulinius.  Hljóðfæraleikarar: Pétur Grétarsson (píanó og orgel), Eðvarð Lárusson (rafgítar og banjó) og Kristín Björg Ragnarsdóttir (fiðla)....

Ungliðadeild Leikfélags Mosfellssveitar frumsýndi föstudaginn 24. október leikritið Mávahlátur, leikgerð Jóns Hjartarsonar eftir sögu Kristínar Mörju Baldursdóttur. Leikstjóri var Ísgerður Elfa Gunnarsdóttir. Aðeins eru eftir 2 sýningar á verkinu. Einnig má geta þess að Leikfélagið opnaði nýjan vef í sumar og þar er hægt að fá nánari upplýsingar um sýninguna og...

Þjóðleikhússtjóri, Tinna Gunnlaugsdóttir, má vel una við sinn hlut í ófomlegri og afar óvísindalegri könnun sem fram fór hér á vefnum undanfarnar tvær vikur. Spurt var hvernig fólki fyndist nýr Þjóðleikhússtjóri hefja sitt fyrsta heila starfsár. Skemmst er frá því að segja að um 55% töldu hana hafa staðið sig vel eða mjög vel meðan 20% töldu hana hafa staðið sig illa eða mjög illa. Nánari upplýsingar um könnunina má sjá...