Author: lensherra

Nú eru nokkur ár síðan Leikfélag Rangæinga hefur sett upp leiksýningu en þá sýndi félagið Emil í Kattholti. Nokkrir áhugasamir félagar í leikfélaginu hafa nú tekið sig saman og sett saman sýninguna Vakið upp drauga. Sýningin er sett saman úr einþáttungum úr ýmsum áttum. M.a. hafa félagar sviðsett Afmælið í kirkjugarðinum eftir Jökul Jakobsson, Bara Innihaldið eftir Sævar Sigurgeirsson, sem er létt grín úr barlífi landans, American Nightmare þar sem grín er gert að gæsaveiðimönnum auk örleikrita og spuna eftir félaga í Leikfélaginu. Leikstjóri er Margrét Tryggvadóttir Líklega verður bara ein sýning, föstudaginn 25. nóvember kl. 21:00 í Hvoli, Hvolsvelli.  Miðaverð kr. 1.500 en 1.000 fyrir ellilífeyrisþega og öryrkja.  Miðapantanir í síma 892 5909 milli kl. 17:00 –...

Nýtt aðventuævintýri eftir Þorvald Þorsteinsson, Leitin að jólunum, með tónlist Árna Egilssonar verður frumsýnt í Þjóðleikhúsinu laugardaginn 26. nóvember nk. kl. 14:00. Jólasveinavísur Jóhannesar úr Kötlum fléttast inn í ævintýrið. Leikstjóri er Þórhallur Sigurðsson. Tveir skrýtnir og skemmtilegir náungar taka á móti litlum leikhúsgestum við aðalinngang Þjóðleikhússins. Með þeim í för eru tveir hljóðfæraleikarar og saman leiða þeir börnin með leik og söng um leikhúsið. Meðal viðkomustaða eru Kristalsalurinn, Leikhúsloftið og Leikhúskjallarinn, auk þess sem börnin fara um baksviðs í leikhúsinu. Börnin ferðast inn í ævintýraveröld jólanna og sjá leikþætti um jólin í gamla daga og í nútímanum. Þorvaldur Þorsteinsson starfar jöfnum höndum sem rithöfundur og myndlistarmaður. Hann hefur skrifað bækur fyrir börn og fullorðna, sem og fjölda leikverka fyrir svið, útvarp og sjónvarp. Hann samdi meðal annars hinar vinsælu barnabækur um Blíðfinn, og leikgerð eftir þeim var sett upp í Borgarleikhúsinu. Fjölskylduleikritið Skilaboðaskjóðan var sýnt í Þjóðleikhúsinu. Meðal annarra leikrita hans má nefna Við feðgarnir, Maríusögur og And Björk of course…., auk þess sem hann hefur skrifað og leikstýrt fjölda “vasaleikrita” bæði í útvarpi og sjónvarpi. Árni Egilsson er í fremstu röð íslenskra kontrabassaleikara og hefur leikið víða með sinfóníuhljómsveitum og spilað fjölda einleiksverka fyrir kontrabassa á Íslandi og víðar um Evrópu, sem og í Bandaríkjunum. Árni hefur búið í Los Angeles í Kaliforníu frá 1969 og er einn eftirsóttasti "stúdíó-bassaleikari" þeirrar borgar. Á seinni árum hefur Árni...

24. nóvember kl. 20:30 … Fimmtudaginn 24. nóvember kl. 20:30 frumsýnir Lýðveldisleikhúsið harmræna gleðileikinn Drauganet eftir Benóný Ægisson  í Tjarnarbíói. Verkið gerist í hugskoti höfundar sem er að reyna að skapa leikpersónur. Hann gerir ýmsar tilraunir á þeim og vekja þær sjaldnast mikla hrifningu leikpersónanna sem eru ofurseldar duttlungum höfundarins Leikarar í verkinu eru Aðalbjörg Þóra Árnadóttir, Benóný Ægisson, Brynja Valdís Gísladóttir, Gunnar Eyjólfsson, Höskuldur Sæmundsson, Ingibjörg Stefánsdóttir, Ingibjörg Þórisdóttir, Kolbrún Anna Björnsdóttir, Ólafur Guðmundsson, Páll Sigþór Pálsson, Valgeir Skagfjörð, Þórunn Clausen og Þröstur Guðbjartsson. Leikstjóri er Darren Foreman, sviðshreyfingar eru eftir Kolbrúnu Önnu Björnsdóttur en tónlist eftir Benóný Ægisson. Leikpersónur verksins þrá það heitast að komast í leikrit en eru svo óheppnar að hafa lent hjá duglausum höfundi. Hann á erfitt með að koma verkunum frá sér enda hefur hann ekki hugmynd um að persónurnar eiga sér sjálfstætt líf utan vitundar hans. Hann hefur því ekki grænan grun um hvaða óleik hann er að gera þeim. Birtingarform leikpersónanna eru neytandinn sem vinnur sig upp í að verða álitsgjafi, fyrrverandi feitlaginn dægurlagasöngvari, venjuleg stelpa sem vinnur í sjoppu, formaður mannanafnanefndar, systir Siggu systur sem var ógeðslega fullkomin, stórkarl sem á svo mikið undir sér að hann lendir í erfiðleikum ef hann dansar kvikkstepp, súludansmær sem spyr grundvallarspurninga um lífið og tilveruna, fótboltabulla sem ávarpar föður sem er að meilbonda með syninum á vellinum, fyrirsæta í tilvistarkreppu, sjómaður sem er...