Author: lensherra

Í tilefni af því að 250 ár eru liðin frá  fæðingu Wolfgangs Amadeusar Mozart 27. jan. 2006. sýnir Nemendaópera Söngskólans í Reykjavík óperu hans Töfraflautuna í Iðnó í Reykjavík. Frumsýning er 27. jan. kl. 20 Töfraflautan er ein þekktasta og vinsælasta ópera allra tíma. Í einsöngshlutverkum eru 17 af nemendum háskóladeilda Söngskólans í Reykjavík, ásamt 18 manna kór nemenda á mið- og framhaldsstigum skólans. Sibylle Köll leikstýrir verkinu og semur dansa, Iwona Ösp Jagla annast tónlistarundirbúning og leikur á píanó í sýningunni, en á töfraflautuna leikur Guðrún Birgisdóttir. Stjórnandi er Garðar Cortes. Töfraflautan er ævintýri sem höfðar jafnt til ungra sem aldinna; um prins og prinsessu, skrýtna og skemmtilega mannfugla, vonda drottningu og góða anda. Hún er um baráttu góðs og ills, þar sem hið góða sigrar að lokum. Aðrar sýningar: 28. jan. kl. 15 29. jan. kl. 15 30. jan. kl. 20 Sýningartími er um 2.5 klst. Nánar má fræðast um Töfraflautuna og flytjendur á...

Leikfélag Hafnarfjarðar vinnur nú að uppsetningu á barnaleikritinu Hodja fra Pjort eftir danska snillinginn Ole Lund Kirkegaard. Það eru Þórunn Gréta Sigurðardóttir og Ingvar Bjarnason sem vinna leikgerðina í samvinnu við leikstjórann Ármann Guðmundsson og leikhópinn. Um búninga og gerfi sér Dýrleif Jónsdóttir. Fjórtán leikarar taka þátt í sýningunni. Frumsýnt verður um miðjan mars í gamla Lækjarskóla. Hodja býr í borginni Pjort en þráir að fá að skoða heiminn. Hann fær tækifæri til þess þegar hann hitir gamlan teppasala, el Faza, sem lánar honum fljúgandi teppi. Hann flýgur til höfuðborgarinnar Pettó þar sem hann lendir m.a. í klónum á Rottunni og kemst upp á kant við sjálfan soldáninn. En Hodja deyr ekki ráðalaus. Reyndar deyr hann bara alls ekki, þótt soldáninn vilji láta höggva af honum...

Á Þorrablóti Egilstaðabúa þann 20. janúar sl. veitti Soffía Lárusdóttir, forseti bæjarstjórnar Fljótsdalshéraðs, Kristrúnu „Dúrru“ Jónsdóttur Þorrann sem er farandgripur sem ár hvert er veittur einhverjum sem unnið hefur samfélaginu ómælt gagn. Þetta er í 12. skipti sem Þorrinn er veittur. Viðurkenninguna fékk Dúrra að sjálfsögðu fyrir störf sín með Leikfélagi Fljótsdalshéraðs en hún hefur undanfarin 38 ár verið ein af driffjöðrum þess, hefur leikið um 20 hlutverk, verið tvisvar formaður og gert allt það sem hægt er að gera með einu leikfélagi. Bandalagið óskar Dúrru innilega til hamingju með þessa verðskulduðu viðurkenningu. Á myndinni sést Dúrra leggja rækt við ungviðið í LF. Tekið skal fram að þetta er ekki...

Leikfélag Hafnarfjarðar gefur nú einn lokamöguleika á að sjá Hina endanlegu hamingju eftir Lárus Húnfjörð með því að hafa aukasýningu næstkomandi sunnudag, 29. janúar, kl. 20:00 í gamla Lækjarskóla í Hafnarfirði. Miðaverð er kr. 1000,- en miðapantanir eru í síma 848 0475. „Hin endanlega hamingja“ er annað verk Lárusar Húnfjörð sem Leikfélag Hafnarfjarðar tekur til sýninga. „Þið eruð hérna“ sem félagið sýndi sumarið 2003 er af mörgum talið eitt athyglisverðasta verk sem hefur verið sýnt í promenade stíl hér á landi um árabil. Leikendur í sýningunni eru 13 talsins. Margir þeirra eru að stíga sín fyrstu skref á fjölunum en aðrir hafa mikla reynslu að baki. Hönnun lýsingar er í höndum Kjartans Þórissonar, Kristín Arna Sigurðardóttir hannar leikmynd og Dýrleif Jónsdóttir hefur yfirumsjón með búningagerð. Leikritið verður sýnt í húsakynnum félagsins í gamla Lækjarskólanum. Sýningin henti ekki fyrir fólk með innilokunarkennd eða trúarbragðafælni.   Það er víst að áhorfendum var komið á óvart á frumsýningunni og alveg áreiðanlegt að leiksýning þeirra á fáa sína líka. Lárus Vilhjálmsson er vaxandi leikskáld og leikstjóri með næmt auga fyrir áhrifamætti leikhússins og spennandi að fá meira að sjá frá honum í framtíðinni. – Hrund Ólafsdóttir, Morgunblaðið.   Ytri umgjörð er ágæt og leikmyndin er mjög vel heppnuð og skapar skemmtilega stemmningu fyrir sýninguna. Hinni endanlegu hamingju tekst að viðhalda áhuga áhorfenda enda kraumar undir einhver spenna sem heldur athyglinni allan tímann.  – Hörður Sigurðarson,...

Laugardaginn 21. janúar verður Naglinn, broslegur harmleikur um karlmennskuna, eftir Jón Gnarr verður frumsýndur á Litla sviði Borgarleikhússins. Leikstjóri er Valgeir Skagfjörð en leikendur eru Gunnar Sigurðsson og Jón Stefán Kristjánsson. Sýningin er samstarfsverkefni leikhópsins 540 gólf og Borgarleikhússins. Nagflinn er saga manns sem stendur á þeim mótum í lífi sínu að honum finnst allt hafa verið til einskis þrátt fyrir alla vinnuna, viljann til að standa sig, vinna meir, vera meira heima, vera meira með börnunum, smíða, bora, leggja flísar, vera harður, vinna meira, tala meira, vera meira heima, eyða meiri tíma með fjölskyldunni, vinna meira, stækka við húsnæðið, meira pláss fyrir börnin, smíða, bora, leggja flísar, skilja, vinna meira, meðlagsgreiðandi, skifta eignum, hugsa um börnin, vera töff, helgarpabbi, sjarmur, gifta sig aftur, smíða, bora, leggja flísar, vinna meira, skaffa vel, vera meira heima, meira með börnunum, vera harður, ekkert væl vera nagli, tala meira, vera meira með fjölskylduni, skilja, kominn með kút, fara í ræktina, vinna meira, meiri meðlög, skipta eignum, hugsa um börnin, töffari, einhleypur, sambúð, bora, leggja flísar, smíða, vinna meira, gefa meira af sér í sambúðina, vera meira með börnunum, vinna meira, skaffa vel, magaspeglun, vera mýkri, vera harður, ekkert væl, sálfræðingur, vinna meira, bora, smíða, leggja flísar, skaffa vel, hjartsláttartruflanir, ekkert væl, hjartalínurit, vera harður, vinna meira, blóðþynningarlyf, skaffa, meiri tíma með fjölskyldunni, ristilspeglun… Hvað er aumingjanlegra en maður sem situr á klósetti...