Author: lensherra

Fimmtudaginn 19.október kl. 20.00 og föstudaginn 20.október kl. 20.00 sýnir Cinnober leikhúsið frá Gautaborg leikritið Suzannah eftir Jon Fosse á Smíðaverkstæði Þjóðleikhússins. Leikritið fjallar um Súsönnu Ibsen sem í 48 ár var eiginkona norska skáldjöfursins Henriks Ibsens. Höfundurinn kallar verkið einleik fyrir þrjár leikkonur. Einleikurinn skiptist milli þriggja radda, sem endurspegla líf Súsönnu á þremur aldursskeiðum hennar, þegar hún er ung kona, miðaldra og gömul. Leikstjórinn Svante Aulis Löwenborg hefur sagt að verkið sé ný tegund tónleikrits þar sem tónlistin tekur stundum völdin af orðinu. Tónlistin sem er mjög ríkur þáttur í verkinu er samin af Atla Ingólfssyni og í sýningunni er hún flutt af Göteborgs Kammarsolisterna sem er skipuð átta hljóðfæraleikurum en þeir eru á sviðinu allan tímann ásamt leikkonunum þremur. Sara Estling leikur Súsönnu unga, Helén Hansson leikur hana miðaldra og Lena Nordberg leikur hana á efri árum. Súsanna Ibsen var fædd 1836 og lést 1914. Um hana og líf hennar eru ekki til  miklar heimildir. Bergliot Ibsen sem giftist Sigurði, syni þeirra Ibsenhjóna, skrifaði bók um fjölskylduna sem hún nefndi De tre eða Þau þrjú en sú bók er í  flokki þekktustu endurminningabóka Norðmanna. Bókin dregur upp frekar jákvæða mynd af fjölskyldu norska skáldjöfursins, en lýsingarnar á Súsönnu eru þó ólíkar öðrum lýsingum sem til eru af henni. Í bókinni er henni lýst sem gáfaðri og víðsýnni konu með mikla kímnigáfu, sem tókst einkar vel að bregðast við og kljást við þá erfiðleika sem komu upp...

Leitum að skapandi listamönnum til þess að taka þátt í næstu sýningum 108 PROTOTYPE.  Fyrsta sýning gekk vonum framar! Megináherslan er lögð á ferlið, hugmyndir og tilraunir. Næstu sýningar eru: Sun 29. október kl: 20:00 Sun 27. nóvember kl: 20:00   Hafðu samband á steinunn_k@hotmail.com 108 PROTOTYPE er röð mánaðarlegra sýninga þar sem listamenn frá hinum ýmsu listgreinum hafa tækifæri til þess að sýna verk sína.  Markmið sýninganna er að skapa umhverfi þar sem megináherslan er lögð á sköpunarferlið, tilraunir og nýjar hugmyndir.  Opnum umræðum milli áhorfenda og listamanna verður stjórnað í lok hverrar sýningar.   108 PROTOTYPE fer fram í Klassíska Listdansskólanum, sem er virk miðstöð fyrir bæði dans og aðrar listgreinar.  Þar er að finna rúmgóðan sýningarsal og tvo minni sali sem hægt er nota fyrir sýningar á margmiðlunarverkum.  108 PROTOTYPE nýtur fulls stuðnings Klassíska Listdansskólans sem viðurkennir þörfina á því að danslistin nái betri tengslum við samfélagið og aðrar listgreinar. 108 PROTOTYPE er ekki hagnaðarstarfsemi....

Heimildarmynd um Act alone er nefnist Leikur einn verður sýnd í Sjónvarpinu í kvöld, þriðjudaginn 10. október kl. 21.10. Það er Ísfirska kvikmyndafyrirtækið digi-Film sem gerir myndina sem er í leikstjórn Jóhannesar Jónssonar, kvikmyndagerðamanns og aðal digimanns. Myndin var gerð á Act alone 2005. Fjallað er um hátíðina og einleikjaformið almennt. Rætt er við þátttakendur á hátíðinni og hátíðarhaldara, Elfar Loga Hannesson, leikara. Fjölmargir kunnir listamenn koma við sögu í myndinni m.a. Brynja Benediktsdóttir, Eggert Kaaber, Hallveig Thorlacius, Helga Arnalds, Hörður Torfa og Jón Viðar Jónsson. Nafn myndarinnar er eins og áður segir Leikur einn en til gamans má geta þess að Act alone hét upphaflega því nafni þegar hátíðin var fyrst haldin árið 2004. Hér er á ferðinni metnaðarfull og vönduð mynd úr smiðju digi-Film enda ekki á hverjum degi sem gerðar eru heimildarmyndir um íslenskt leikhús. Það er ekki amalegt fyrir jafnunga hátið og Act alone að gerð sé heimildarmynd um hátíðina sem mun um leið vekja áhuga og umræðu um nauðsyn slíks ævintýris. Act alone er jú ein af fáum leiklistarhátíðum sem haldnar er árlega á Íslandi. Heimildarmyndin Leikur einn er 30. mín. löng og verður eins og áður var getið sýnd í Sjónvarpinu þriðjudaginn 10. október kl. 21.10. Myndin verður síðan endursýnd á sunnudaginn 15. október kl. 15.20.Meðfylgjandi mynd er úr sýningu Kómedíuleikhússins á Dimmalimm frá liðnum...