Author: lensherra

Þann 5. janúar næstkomandi fagnar Leikfélag Kópavogs því að 50 ár eru liðin frá stofnun þess. Af því tilefni verður efnt til afmælisfagnaðar í félagsheimili Kópavogs, Fannborg 2. Allir félagar í Leikfélagi Kópavogs, fyrrverandi og núverandi, eru velkomnir ásamt öðrum velunnurum félagsins. Ýmislegt skemmtilegt verður á boðstólum fyrir afmælisgesti, margir félagar munu stíga á svið og skemmta með söngi og leik, atriði úr uppsetningum félagsins verða sýnd ásamt mörgu fleiru. Þann 5. janúar næstkomandi fagnar Leikfélag Kópavogs því að 50 ár eru liðin frá stofnun þess. Af því tilefni verður efnt til afmælisfagnaðar í félagsheimili Kópavogs, Fannborg 2. Allir...

Jólasýning Borgarleikhússins er verkið Ófagra veröld eftir Anthony Neilson. Það verður frumsýnt 29.desember. Ófagra veröld er ævintýri sem hefur sterka tilvísun í Lísu í Undralandi eftir Lewis Carol. Líkt og í sögu Lewis Carol er verkið lýsing á samfélaginu, gildum þess, þversögnum og áskorunum, um leið og það er þroskasaga Lísu. Við ferðumst með Lísu til Sundralands og kynnumst þar sérkennilegum lögmálum þeirrar víddar. Á ferð sinni um Sundraland, mæta Lísu krefjandi verkefni og óvæntar uppákomur. Líkt og hjá Carol kemst Lísa heim. Þar gilda önnur lögmál og verkefnin eru önnur. Lísa stendur frammi fyrir vali. Hvorumegin vill hún...

Undanfarin ár hefur aðgengi að upplýsingum um alþjóðleg leikhúsnámskeið og leiklistarhátíðir batnað til muna. Slíkir viðburðir eru nú til dags yfirleitt með heimasvæði á netinu.  Einstaklingar og leikhópar hvaðanæva úr heiminum geta yfirleitt sótt um þátttöku, oftast í gegnum internetið. Nú er komið sérstakt svæði á vef IATA (International Amateur Theatre Association) með upplýsingum um námskeið og hátíðir sem eru á döfinni í aðildarlöndum þeirra samtaka. Einnig má sjá þau námskeið og hátíðir sem Leiklistarvefurinn hefur birt fréttir af í sér flokki undir flipanum Fréttir. Þarna geta flestir áhugamenn um leiklist fundið eitthvað við sitt hæfi. Leiklistarhátíðir fyrir börn...

Jólaleikrit Þjóðleikhússins árið 2006 er Bakkynjur eftir Evrípídes. Frumsýning verður 26. desember og þetta er í fyrsta sinn sem verkið er sýnt á Íslandi. Bakkynjur er eitt frægasta leikrit grísku gullaldarinnar í leikritun og talið til harmleikja þótt það lúti ekki allskostar lögmálum hefðbundinna harmleikja. Hér birtist það í glænýrri þýðingu Kristjáns Árnasonar. Í verkinu segir frá því er guðinn Díónýsos, öðru nafni Bakkos,  kemur til Þebuborgar til að minna borgarbúa á guðlegan uppruna sinn og  staðfesta nýjan helgisið sér til dýrðar. Af hans völdum hafa allar konur borgarinnar lagst út til að blóta Bakkos og æða trylltar um...