Author: lensherra

Gríðarlega góð aðsókn hefur verið að Sæluvikustykki Leikfélags Sauðárkróks, Sex í sveit í leikstjórn Jón Stefáns Kristjánssonar. Þrjár aukasýningar í síðustu viku seldust upp á fáum dögum svo nú hefur verið ákveðið að bæta enn við tveimur aukasýningum. Þær verða í Bifröst: laugardaginn 26. maí kl. 15:00 mánudaginn 28. maí kl. 15:00. Miðapantanir alla daga í síma 849 9434....

Hvítasunnudaginn 27. maí mun Leikhópurinn Lotta frumsýna barnaleikritið Dýrin í Hálsaskógi í Elliðaárdalnum. Sýnt verður klukkan 14:00 og 16:00 en sýningin er um klukkutíma löng, full af glensi og fjöri. Þar sem sýnt er utandyra er um að gera að klæða sig eftir veðri og taka með sér teppi til að sitja á og hlýja sér ef kalt er. Miðinn kostar 1.500 krónur fyrir fullorðna en fyrir börn sem eru í fylgd með fullorðnum kostar miðinn 1.000 krónur. Leikhópurinn mun halda áfram að sýna í Elliðaárdalnum í sumar og er áætlað að sýna þar alla miðvikudaga í sumar klukkan...

Síðasta sýning Leikfélags Ölfussí Þorlákshöfn á Einn koss enn og ég segi ekki orð við Jónatan verður fimmtudagskvöldið 17. maí í Versölum. Sýningarnar hefjast klukkan 21.00. Hægt verður að panta léttan leikhúsmat í Ráðhúskaffi á undan sýningunum. Pantanir á mat og sýningu í síma 483-1700. Einnig hægt að hringja í síma 661-0501 til að panta á sýningu eingöngu. Leikritið fjallar um kvennamanninn Jónatan sem heldur við þrjár flugfreyjur sem vinna eftir föstum áætlunum sem ekki skarast. Þegar nýjar hljóðfráar þotur eru teknar í notkun fer skipulagið í vaskinn og leikurinn að æsast. Leikstjóri verksins er Hörður Sigurðarson. Sex leikarar...

Kómedíuleikhúsinu á Ísafirði hefur verið boðið á einleikjahátíðina Albamono í Albaníu með leikinnn Gísli Súrsson. Um er að ræða alþjóðlega leiklistarhátíð sem fer fram dagana 21. – 25. maí næstkomandi. Albamono er haldin í Korce í Albaníu og er þetta í annað sinn sem hátíðin er haldin og verður Gísli Súrsson sýndur á íslensku. Þetta er í þriðja sinn sem Kómedíuleikhúsið sýnir Gísla Súrsson erlendis. Haustið 2006 var leikurinn sýndur á leiklistarhátíðinni Integra í Hannover þar sem Gísli vann til verðlauna. Fyrir skömmu var Gísli síðan á ferðinni í Lúxembúrg þar sem hann var bæði leikinn á ensku og...