Author: lensherra

Leikfélagið Hallvarður Súgandi frumsýnir í kvöld leikritið Galdrakarlinn í Oz á Suðureyri við Súgandafjörð. Leikstjóri er Rúnar Guðbrandsson. Sýningin er hluti af bæjarhátið Súgfirðinga, Sæluhelgi, sem haldin verður þar um helgina. Ólánið hefur elt þá sem starfa við leiksýninguna. Þar sem liðið er af æfingum hafa sjö þurft að leita sér lækninga og á síðustu æfingu fyrir generalprufu tókst þrem leikurum að slasa sig á fótum og eru tveir leikarar í burðarhlutverkum haltir. Ekki er vitað til þess að bölvun hvíli á verkinu en marga er farið að gruna að svo sé. Þetta er farið að minna á skoska...

Í lok júlímánaðar heldur hópur frá leikfélaginu Hugleik og Leikfélagi Kópavogs á leiklistarhátíð alþjóðlega áhugaleikhússambandsins IATA í Masan-borg í Suður-Kóreu. Þar verður sýnt leikritið Memento mori eftir Hrefnu Friðriksdóttur í leikstjórn Ágústu Skúladóttur. Laugardaginn 7. og sunnudaginn 8. júlí verða haldnar opnar æfingar til fjáröflunar fyrir ferðina. Þetta verður í fyrsta sinn í tvö ár sem færi gefst að sjá þessa rómuðu leiksýningu á Íslandi – og ef til vill það síðasta. Sýnt verður í Möguleikhúsinu við Hlemm kl. 20.00 bæði kvöldin. Almennt miðaverð er 1500 kr., en frjáls framlög eru vel þegin. Miðapantanir eru á www.hugleikur.is. Í Memento...

Leiklistarhátíðin Act alone verður sett í dag, miðvikudaginn 27. júní, í Alþýðuhúsinu á Ísafirði. Næstu dagar verða svo alveg einleiknir með fullt af sýningum og viðburðum. Kómedíuleikhúsið á Ísafirði stendur fyrir hátíðinni sem helguð er einleikjum og verður haldin fjórða árið í röð nú í sumar. Kómedíuleikhúsið er fyrsta og eina atvinnuleikhúsið á Vestfjörðum og hefur sett upp fjölmarga einleiki undanfarin ár. Meðal leikja eru Steinn Steinarr, Dimmalimm og verðlaunaleikurinn Gísli Súrsson sem hefur verið sýndur við miklar vinsældir og verið sýndur yfir 140 sinnum bæði hér heima og erlendis.   Dagskráin í dag: Miðvikudagur. 27. júní KL.20.00 Alþýðuhúsið...

Gríman var afhent við hátíðlega athöfn í Íslensku óperunni og í beinni útsendingu Sjónvarpsins 15. júní síðastliðinn. Herdís Þorvaldsdóttir og Róbert Arnfinnsson hlutu heiðursverðlaun Leiklistarsambands Íslands en sigurvegari kvöldsins var án vafa Benedikt Erlingsson sem rakaði að sér verðlaunum, m.a. sem leikari og leikstjóri ársins. Sjá má yfirlit yfir alla verðlaunahafa á vef Grímunnar,...