Author: lensherra

Laugardaginn 1. september verður fyrsta frumsýning leikársins hjá Leikfélagi Reykjavíkur og er hún á Litla sviði Borgarleikhússins. Það er farsinn Lík í óskilum eftir Anthony Neilson sem opnar leikárið hjá LR og það er Steinunn Knútsdóttir sem leikstýrir.
  Þetta er gamanleikur um óborganlegt lögguteymi sem fær það hlutverk að boða eldri hjónum váleg tíðindi á aðfangadagskvöld. Áður en erindið hefur verið útskýrt að fullu kemur upp misskilningur sem erfitt reynist að leiðrétta. Fljótlega eykst misskilningurinn, fleiri persónur slást í hópinn, flækjan verður sífellt flóknari og hjartveiki eiginmannsins gerir verkefni lögreglunnar nánast ómögulegt. Löggur, lygar og lygileg atburðarrás!Leikarar: Þórhallur Sigurðsson,...

Mánudaginn 27. ágúst kl. 20:00 mun Leikfélag Kópavogs halda aðalfund sinn í nýju húsnæði félagsins að Funalind 2 í Kópavogi. Miklar breytingar hafa átt sér stað að undanförnu hjá félaginu og miklar breytingar eru í vændum. Á aðalfundinum verður, auk hefðbundinna aðalfundarstarfa, kynntur nýr rekstrarsamningur, rætt um fyrirhugaðar breytingar á Funalindinni, ásamt mörgu öðru.Stjórn Leikfélags...

Leikfélag Akureyrar hefur nú kynnt dagskrá leikársins 2007-2008. Áfram er unnið eftir sömu stefnu og sérstök áhersla er lögð á að ná ekki síður til yngri leikhúsgesta en þeirra sem eldri eru. Sem fyrr einbeitir leikhúsið sér að uppsetningu nútímaverka, íslenskra og erlendra. Fyrsta frumsýning vetrarins er á fjölskylduleikritinu Óvitar! eftir Guðrúnu Helgadóttur í leikstjórn Sigurðar Sigurjónssonar. Jón Ólafsson var fenginn til að semja tónlist fyrir uppsetninguna og ætti það að gera gott verk enn betra. Jólafrumsýningin er glæný leikgerð Gísla Rúnars Jónssonar á einum vinsælasta farsa allra tíma, Fló á skinni. Nýlegt bandarískt verðlaunaverk, Ökutímar eftir Paulu Vogel...

  Leikhópurinn Lotta hefur í sumar sýnt barnaleikritið sívinsæla, Dýrin í Hálsaskógi eftir Torbjörn Egner, undir berum himni víða um land. Nú eru aðeins fimm sýningar eftir, þar eru 4 í Elliðaárdalnum í Reykjavík og ein á Blómstrandi dögum í Hveragerði en þar verður sýnt í Lystigarðinum. Sýningarnar í Elliðaárdalnum eru í dag, miðvikudaginn 22. ágúst, á morgun fimmtudaginn 23. ágúst, þriðjudaginn 28 .ágúst og miðvikudaginn 29. ágúst og hefjast þær allar kl 18:00. Sýningin á Blómstrandi dögum í Hveragerði er laugardaginn 25. ágúst og hefst kl. 13:00.     Leikhópurinn Lotta sýnir hvort sem sólin skín eða rigningin...

Lýðveldisleikhúsið flytur annan hluta fjölleiksýningarinnar Langstærsti draumurinn í Sundhöllinni við Barónsstíg á Menningarnótt. Þessi hluti ber nafnið Uppflosnað fólk og er eftir Benóný Ægisson. Fyrsti hluti verksins, Þeir stífluðu dalinn minn, var fluttur í innilauginni í Laugardalnum fyrr í mánuðinum. Leikarar í þessum hluta eru Alexía Björg Jóhannesdóttir, Kolbrún Anna Björnsdóttir, Lilja Guðrún Þorvaldsdóttir og Sólveig Guðmundsdóttir. Sýningar á Uppflosnað fólk verða aðeins fjórar, allar í Sundhöll Reykjavíkur á Menningarnótt 18. ágúst og eru sýningarnar kl. 14:14, 15:15, 18:18 og 19:19 og er aðgangur ókeypis. Langstærsti draumurinn er fjölleiksýning með blandaðri tækni sem Lýðveldisleikhúsið hyggst setja upp á leikárinu...