Author: lensherra

Í tilefni Menningarnætur verður leiksýningin um Jörgen Jörgensen, betur þekktan sem Jörund hundadagakonung, flutt aftur laugardaginn 22. ágúst. Í þetta sinn verður sýnt í Batteríinu og hefst sýningin klukkan 16.00. Aðgangur er ókeypis á meðan húsrúm leyfir. Leikstjóri er Ágústa Skúladóttir en höfundar handrits eru Ármann Guðmundsson og Þorgeir Tryggvason. Tilefnið er 200 ára afmæli hinnar stuttu en litríku valdatíðar Jörundar á Íslandi. Stiklað verður á stóru í ótrúlega viðburðaríku lífshlaupi þessa danska úrsmiðssonar og sægarps, en þó valdatíð hans á Íslandi sé sennilega hápunkturinn í ferli hans þá var hún svo sannarlega ekki það eina frásagnarverða. Á saga...

Föstudaginn 14. ágúst kl. 20.00 frumsýnir Leikfélag Hafnarfjarðar leikverkið Bergmál eftir N. Richard Nash í húsnæði félagsins á neðstu hæð Menntasetursins við lækinn (Galma Lækjarskóla). Sýningin er unnin í kringum upprunalegt handrit höfundar, en ekki algerlega uppúr því, en leikendur eru Guðrún Sóley Sigurðardóttir, Aldís Davíðsdóttir og Halldór Magnússon. Guðrún Sóley Sigurðardótir og Aldís Davíðsdóttir sáu einnig um alla leikstjórn, sviðsmynd, búninga, lýsingu og allt það sem við kemur sýningunni. Verkið fjallar um tvær konur sem fastar eru í heimi minnisleysis og geðveiki. Þær reyna að átta sig á umhverfi sínu, fortíð, framtíð og yfirstíga þeirra mestu ógn; manninn....

Leikfélag Mosfellssveitar sýnir um þessar mundir söngleikinn Fúttlús eftir Dean Pitchford og Walter Bobbie í Bæjarleikhúsinu í Mosfellsbæ. Þýðandi verksins er Gísli Rúnar Jónsson. Sýningin er liður í sumarstarfi leikfélagsins sem gengur undir nafninu Leikgleði, Barna- og unglingaleikhúsi Mosfellsbæjar og er í ár skipað yfir 30 unglingum sem hafa æft stíft frá því 8. júní og unnið þessa sýningu af einstökum áhuga og metnaði sem ætti að hrífa alla með sér. Leikstjóri er Agnes Þorkelsdóttir Wild, danshöfundur Hreindís Ylva Garðarsdóttir Holm og tónlistarstjóri Sigrún Harðardóttir. Söngleikurinn Fúttlús segir frá Aroni, 16 ára strák sem flytur með mömmu sinni í...