Author: lensherra

Nýlega fór fram fjórða úthlutun úr Leikritunarsjóðnum Prologos, sem starfar við Þjóðleikhúsið. Umsóknir voru fjölmargar að vanda, en alls bárust 36 umsóknir nú. Þrír höfundar hljóta handritsstyrki og einn leikhópur hlýtur styrk vegna leiksmiðjuverkefnis. Höfundar sem hlutu styrk að þessu sinni til að þróa áfram leikhandrit sín eru Didda Jónsdóttir vegna handritsins Vonska, Einar Þór Gunnlaugsson vegna handritsins Pinsilon og Illugi Jökulsson vegna handritsins Þorlaug. Sviðslistahópurinn Kviss búmm bang hlaut styrk til að vinna leiksmiðjuverkefnið Get a Life!   Didda Jónsdóttir hefur vakið athygli fyrir ljóð sín, sem meðal annars hafa birst í ljóðabókinni Lastafans og lausar skrúfur. Hún...

Lýðveldisleikhúsið sýnir um þessar mundir nýtt íslenskt leikverk fyrir börn. Þetta er dans og söngleikur sem ber nafnið Út í kött! og fjallar um tvo krakka og ferðalag þeirra um tölvu og ævintýraheima. Þessi ævintýraleikur er fyrir börn á öllum aldri og fullorðnir ættu líka að hafa gaman að þessu fjöruga verki. Tveir tólf ára krakkar fara með hlutverk í verkinu, þau Fannar Guðni Guðmundsson og Sóley Anna Benónýsdóttir, Ragnheiður Árnadóttir söngkona fer með hlutverk sögumanns, og leikararnir Finnbogi Þorkell Jónsson og Ólöf Hugrún Valdimarsdóttir fara með hlutverk geimskrímsla og ýmsra ævintýrapersóna t. d. í útgáfum Roald Dahl af...

Leikklúbburinn Krafla hélt í gær sinn fyrst stjórnarfund félagsins í „nýju“ félagsheimili sínu en leikklúbburinn festi nýverið kaup á félagsheimilinu Sæborg í Hrísey af fasteignum Akureyrarbæjar. Þar mun í framtíðinni verða stunduð blómleg leiklistarstarfsemi. Húsið er í frekar lélegu ástandi en Krafla hefur hug á að lagfæra það með tíð og tíma. Einnig verður hægt að leigja húsið fyrir ýmsa menningarstarfsemi.   Starfsemin hefst á því að halda átta vikna leiklistarnámskeið sem mun ljúka á uppsetningu á afrakstri námskeiðsins. Eru félagsmenn fullir bjartsýni og tilhlökkunar um að hefjast handa og horfa brosandi fram á veginn....

Nú fer að líða að frumsýningu Stúdentaleikhússins á nýju frumsömdu verki sem kallast Gestasprettur en það ver verður frumsýnt laugardaginn 7.nóvember. Stúdentaleikhúsið kaus nýja stjórn í byrjun leikársins og réð sú stjórn Tinnu Lind Gunnarsdóttur leikkonu til okkar sem leikstjóra og Valgerði Rúnarsdóttur dansara sem umsjónarmann hreyfinga ogkóreógrafíu.  Hafist var við handa að skapa verk sem er samsett leikverk, algerlega í höndum leikhópsins, leikstjórans og kóreógrafers. Leikhópurinn samanstendur að þessu sinni af 18 hæfileikaríkumleikurum sem allir sýna sitt besta í þessari sýningu. Hin nýja stjórn stúdentaleikhússins samanstendur af ungu og efnilegu leikhúsáhugafólki þau eru Eygló Margrét Stefánsdóttir, Hanna Þórsteinsdóttir,...

Halaleikhópurinn er að hefja æfingar á Svartfugli eftir Gunnar Gunnarsson, Ágústa Skúladóttir mun leikstýra og gera nýja leikgerð í samvinnu við Þorgeir Tryggvason. Af því tilefni verður samhristingur miðvikudaginn 4. nóv. n.k. kl. 20.00 í Halanum, Hátúni 12. 105 Rvk. Ágústa og Toggi munu kynna leikritið og hvernig æfingartímabilinu verður háttað. Stefnt verður að frumsýningu um mánaðarmótin jan. – feb. 2010. Gott væri að allir sem hafa áhuga á að taka þátt í verkinu komi þetta kvöld, bæði leikara og annað starfsfólk leikhússins, leikmyndasmiðir, búningahönnuðir , ljósa og hljóðmenn. Upptalningin gæti verið endalaus enda eru handtökin við þetta ansi...