Author: lensherra

Síðasliðnar vikur hefur Leikfélagið Grímnir staðið í stórræðum. Það er ekki á hverjum degi sem leikfélag  úti á landi setur upp þrjár leiksýningar á einum mánuði. Síðastliðin laugardag frumsýndi leikfélagið Litlu Hryllingsbúðina eftir Howard Ashman og Alan Menken, sem byggð er á samnefndri kvikmynd Rogers Corman. Sýningin er sýnd á Hótel Stykkishólmi og leikstjórn er í höndum Guðjóns Sigvaldasonar, en hann stýrir einnig Kvöldhúmi og Karíusi og Baktusi sem líka eru í sýningum hjá leikfélaginu. Allir sem þekkja eitthvað til Litlu Hryllingsbúðarinnar, hvort sem er í kvikmynda- eða leikhúsformi, vita að sagan gerist í niðurnýddri  blómabúð í skuggahverfi borgar,...

Fimmtudagskvöldið 2. des. nk. kl. 20.30 mun uppistandsgengið HJÓLASTÓLASVEITIN tröllríða Gaflaraleikhúsinu og flytja frumsamið grínefni. Fjórir fjörugir uppistandarar – þrír í stólum og einn á skrikkjandi fótum! Tilveran verður skoðuð á spaugilegan hátt þar sem sumir standa í stað, aðrir rúlla áfram um grænar grundir í Finnskum Dal með Perkúlahjónin á bakinu. Hjólastólasveitina skipa að þessu sinni Örn Sigurðsson, Guðríður Ólafsdóttir, Leifur Leifsson og nýjasti meðlimurinn er Elva Dögg Gunnarsdóttir, sem stígur sín fyrstu spor með sveitinni þetta kvöld. Kynnir er Ágústa Skúladóttir. Húsið opnar kl. 20.00. Miðaverð er 1000 kr. 
Léttar veitingar seldar í anddyri. Miðapantanir í síma...

Alls hafa um 6000 manns sótt viðburði í Tjarnarbíó síðan það opnaði 1. október á þessu ári eftir gagngerar endurbætur Reykjavíkurborgar. Það eru Sjálfstæðu leikhúsin – SL, sem reka húsnæðið fyrir hönd borgarinnar. Boðið hefur verið upp á fjölbreytta listviðburði s.s. tónleika, dans,- og leiksýningar, fyrirlestra og  kvikmyndasýningar. Einnig hafa alþjóðlegar hátiðir verið haldnar í Tjarnarbíó á þessu tímabili og má þar m.a. nefna Keðju, RIFF, Airwaves og TING.  Unglist var með fjölbreytta dagskrá í október en ókeypis var inn á alla viðburði hátíðarinnar. Það er ljóst að þessi fjölnota salur er að laða til sín fjölbreytta viðburði sem...

Miðvikudaginn 24. nóvember minnist Leikminjasafn Íslands aldarafmælis Einars Kristjánssonar óperusöngvara í samvinnu við Söngskólann í Reykjavík. Athöfnin fer fram í sal Söngskólans, Snorrabúð, Snorrabraut 54, kl 17. Ferill Einars verður rifjaður upp og spjald til minningar um hann í flokknum Merkisdagar íslenskrar leiklistarsögu afhjúpað. Sönglist verður í boði nemenda skólans. Fyrir skömmu síðan opnaði Leikminjasafnið einnig vefsíðu tileiknaða Stefaníu Guðmundsdóttur leikkonu slóðina á hann má finna hér...

Tvær aukasýningar verða á Sjónleik Áhugaleikhúss atvinnumanna, Ódauðlegt verk um draum og veruleika, sem er fjórða í röð fimm Ódauðlegra verka um mannlegt eðli og tilvist. Af því tilefni verður endursýnt Ódauðlegt verk um samhengi hlutanna á ensku en verkið er annað í röð Ódauðlegu verkanna og var sýnt á dögunum á sviðslistahátíðinni Keðju hér í Reykjavík. Verkin fimm eru rannsókn á áráttuhegðun mannkyns og ófullkomleika. Þau feta sig inn í augnablikið þar sem maðurinn stendur berskjaldaður frammi fyrir guði og viðurkennir vanmátt sinn. Hvert verk um sig tekur á eiginleikum, þáttum eða áráttum í mannlegri hegðun og tilvist...