Author: lensherra

Nú gefst einstakt tækifæri til að kaupa gjafabréf á alla þá viðburði sem verða í Tjarnarbíó 2011. Hægt er að kaupa gjafabréf fyrir 3 upphæðir, 1000 kr – 2000 kr – 3000 kr og verður hægt að nota þau á alla viðburði sem fram fara í Tjarnarbíó. Ekki þarf að ákveða fyrirfram notkun gjafabréfsins  heldur getur viðkomandi ráðið hvaða viðburð hann kýs að sjá.   Það er margt framundan í Tjarnarbíó á nýju ári. 14.janúar verður frumsýnt nýtt íslenskt leikverk, Súldasker eftir Sölku Guðmundsdóttur auk þess sem leikverk Jóns Atla Jónassonar, Mojito verður tekið upp aftur og sýnt út...

Sýningar Þjóðleikhússins á Gerplu og Íslandsklukkunni hafa gengið fyrir fullu húsi frá því þær voru frumsýndar á Stóra sviði Þjóðleikhússins snemma á árinu, Gerpla í febrúar og Íslandsklukkan á 60 ára afmæli leikhússins í apríl. Það má því segja að Halldór Laxness hafi enn og aftur slegið í gegn, og nú fyrir tilstilli krafts og frumleika leikhússins, sem hefur með töfrum sínum gert sagnaheim skáldsins að sannkallaðri veislu fyrir augu og eyru. Vegna mikillar aðsóknar hefur verið ákveðið að gefa leikhúsgestum færi á að sjá báðar þessar sýningar á nýju ári, þótt sýningafjöldi geti aðeins verið takmarkaður. Á jólum...

Á aðventunni breytist Norðurpóllinn í sannkallaða jólaveröld. Leikhúsið verður skreytt hátt sem lágt, það verða piparkökur á hverju borði, jólatónlistin ómar, íslenskir handverksmenn kynna vörur sínar og boðið verður upp á föndur fyrir börnin. Hátíðleikinn ræður ríkjum hjá okkur og íslensk, gamaldags jólastemning styttir okkur biðina fram að jólum. Þegar áhorfendur hafa fengið að njóta jólaandans í dágóða stund kemur að hápunkti upplifunarinnar, leiksýningarnar Grýla og Lápur, Skrápur og jólaskapið en þær hefjast hálftíma eftir að hleypt er inn í Norðurpólinn eða klukkan 13.30 og 15.30   Sýningaplan Jóla á Norðurpólnum: Lápur, Skrápur og jólaskapið Sýnt tvisvar á dag...

Gífurlegur fjöldi umsókna barst í Leikritunarsjóðinn Prologos að þessu sinni, en alls bárust 65 umsóknir frá 59 aðilum, og hafa umsóknir í sjóðinn aldrei verið fleiri. Nú er úthlutað úr sjóðnum í sjötta sinn, og hljóta tveir höfundar handritsstyrki og þrír aðilar styrki vegna leiksmiðjuverkefna. Leikritunarsjóðurinn Prologos, sem hefur starfað við Þjóðleikhúsið frá því í júní árið 2008, vinnur að því að efla íslenska leikritun og nýsköpun í sviðslistum með styrkveitingum til listamanna og öðrum verkefnum. Annað leikskáldanna sem hlaut styrk að þessu sinni, Sigurður Pálsson sem hlaut styrk til að skrifa leikritið Segulsvið, er eitt af okkar þekktustu og...

Á fréttamannafundi sem haldin var núna í vikunni í Bíó Paradís kynnti Margrét Sigrún Sigurðardóttir niðurstöður rannsóknar á hagrænum áhrifum skapandi greina. Árið 2009 var velta af menningu 191 milljarður, sem var 6% af heildarveltunni það árið. Á fundinum tók Katrín Jakobsdóttir, mennta- og menningarmálaráðherra, til máls og sagði að menningin væri það sem gerði okkur að þjóð. Gögnin sem unnið var út frá voru frá Fjársýslu ríkisins og sambandi íslenskra sveitarfélaga. Virðisaukaskattsskyld velta  af menningarstarfsemi var 165 milljarður, eða rúm 6% af slíkri veltu á landinu öllu. Landbúnaður skilar 1% af heildarveltu og fiskveiðar 4%. Framleiðsla málma árið...