Author: lensherra

Þjóðleikhúsið frumsýnir þann 10. mars leikritið Hedda Gabler eftir Henrik Ibsen í Kassanum. Í þessu sígilda leikriti ræðst Ibsen að kjarna þeirra borgaralegu lífsgilda sem móta líf nútímamanna og stýra löngunum þeirra og ótta. Að lokinni sex mánaða brúðkaupsferð kemur Hedda Gabler heim í glæsilega einbýlishúsið sitt. Fastráðning eiginmanns hennar við háskólann er á næsta leiti, tilveran er þægileg og framtíðin hefur verið kortlögð. En það líður ekki nema sólarhringur þar til Heddu hefur tekist að mölva þessa fullkomnu mynd. Hvenær verður krafa nútímamannsins um öryggi að rammgerðu fangelsi? Og hvað gerist þegar við reynum að sleppa út? Er...

Leikhópur Ungmennafélags Reykdæla frumsýndi leikritið „Með vífið í lúkunum“ eftir breska leikskáldið Ray Cooney í Logalandi í Reykholtsdal í 4 mars sl. Áhorfendur létu í ljós ánægju sína með grín og glens og mátti heyra hlátrasköllin út um allan sal þegar mest gekk á uppi á sviðinu. Þar túlkuðu leikendur litríkan farsa sem snýst um að greiða úr lygaflækjum aðalsöguhetjunnar John Smith, sem starfar sem leigubílstjóri í London. Hann lifir tvöföldu lífi og það getur haft sínar óþægilegu afleiðingar. Guðrún Jónsdóttir skrifaði eftirfarandi fyrir Skessuhorn. Leikendur eru átta talsins og leikstjóri er Þröstur Guðbjartsson sem oft áður hefur leikstýrt...

Leikfélag Sauðárkróks mun sýna gamanleikinn Svefnlausa brúðgumann í Sæluviku 2011 sem hefst 1. maí. Leikritið er eftir Arnold og Bach í þýðingu Sverris Haraldssonar og ku vera dæmigerður farsi þar sem allir eru að rekast á alla á röngum tíma og röngum stað, en allt fer vel að lokum. Æfingar hefjast um miðjan mars og mun Jakob S. Jónsson leikstýra. Leikfélag Sauðárkróks hefur áður sýnt þrjú gamanleikrit eftir Arnold og Bach, Húrra krakka árið 1985 og Spanskfluguna árið 1986 og Karlinn í kassanum árið 1994, en Verkakvennafélagið Aldan setti Svefnlausa brúðgumann upp á Sauðárkróki árið 1970....

Í tilefni af „Mottu-mars“ bendum við á að í verslun Bandalags íslenskra leikfélaga að Suðurlandsbraut 16 fæst mikið úrval af ódýrum gerfi-yfirvaraskeggjum fyrir þá sem af líffræðilegum orsökum eiga erfitt með að safna mottum eða þá sem vilja stytta sér leið í mottusöfnun fyrir sérstök tilefni. Einnig eru til vatnslitir til að mála börnin fyrir öskudaginn (yfir 50 litir) og eru þetta húðvænustu vatnslitir sem fást hér á landi. Einnig fæst ýmislegt annað sem tilvalið er að nota fyrir öskudaginn, t.d. litað hársprey, skallar, trúðanef, litað tannlakk o.m.fl. Endilega kíkið til okkar á Suðurlandsbraut 16 og skoðið úrvalið....