Author: lensherra

Ellefu leikfélög, með jafn margar sýningar, sækja um að koma til greina sem Athyglisverðasta áhugaleiksýningin leikárið 2011-12 og sýna verk sitt í Þjóðleikhúsinu í lok leikárs. Í dómnefnd Þjóðleikhússins í ár sitja Tinna Gunnlaugsdóttir, þjóðleikhússtjóri, Melkorka Tekla Ólafsdóttir, leiklistarráðunautur Þjóðleikhússins og Jana María Guðmundsdóttir, leikkona. Val dómnefndar verður tilkynnt á aðalfundi Bandalags íslenskra leikfélaga sem haldinn verður á Ísafirði dagana 4.-6. maí. Eftirtalin félög sóttu um með þessi verk: 1. HugleikurSá glataði eftir Sigríði Láru Sigurjónsdóttur í samvinnu við leikstjóra og leikhópinnLeikstjóri er Ágústa Skúladóttir 2. Leikdeild U.M.F. SkallagrímsSkugga-Sveinn eftir Matthías JochumssonLeikstjóri er Rúnar Guðbrandsson 3. Leikdeild U.M.F. EflingarÍ...

Miðvikudaginn 25. apríl sýnir Leikfélag Mosfellssveitar síðustu sýningu sína á leikritinu Andlát við jarðarför en það er byggt á bresku kvikmyndinni Death at a funeral eftir Dean Craig. Leikstjóri er Guðný María Jónsdóttir og vann hún handrit verksins ásamt Maríu Guðmundsdóttur. Sýningin hefst klukkan 20.00. Leikritið fjallar um fjölskyldu sem hittist í jarðarför fjölskylduföðurins. Eldri bróðirinn, sem enn býr hjá foreldrum sínum ásamt konu sinni, tekur að sér  að skipuleggja jarðarförina og flytja minningarorðin. Það sem upphaflega virtist vera tiltölulega einfalt verkefni verður honum hins vegar fjötur um fót þegar alls kyns óvæntar uppákomur gera jarðarförina að algjörri matröð....

Óperettuparið Fjársjóðurinn í tónlistarskólanum verður frumsýnt í Iðnó þriðjudaginn 24. apríl kl. 20.00. Fyrri hlutinn er Tónlistarskólinn, splunkunýtt verk eftir Þórunni Guðmundsdóttur og síðari hlutinn er óperettan Falinn fjársjóður eftir Offenbach í nýrri þýðingu Þórunnar. Flytjendur eru nemendur í Tónlistarskólanum í Reykjavík, 14 söngvarar og hljómsveit. Stjórnandi er Tryggvi M. Baldvinsson og leikstjóri er Þórunn Guðmundsdóttir. Tónlistarskólinn gerist í tónlistarskóla sem er í gífurlegu fjársvelti. Það veldur því að skólastjórinn verður ákaflega þunglyndur og missir alla trú á tónfræði og tónlist. Þegar nemendurnir frétta þetta ákveða þeir að setja upp óperu til að hressa hann við og koma skólanum...

Afmælisveislan, eitt allra skemmtilegasta leikrit Nóbelsskáldsins Harolds Pinters, verður frumsýnd í Þjóðleikhúsinu nk. föstudag, 27. apríl. Verkið er nú frumflutt á sviði íslensks atvinnuleikhúss, í nýrri þýðingu Braga Ólafssonar. Leikstjóri sýningarinnar er Guðjón Pedersen. Afmælisveislan er fyrsta leikrit Harolds Pinters (1930-2008) í fullri lengd. Það var frumflutt árið 1958 og þykir tímamótaverk í leiklistarsögunni. Fyrstu leikverkum Pinters hefur verið lýst sem “gamanleikjum ógnarinnar” en verk hans einkennast af afar frumlegum og óvægnum húmor. Stanley er fremur framtakslaus ungur maður, sem virðist áður hafa unnið fyrir sér sem píanóleikari. Hann lifir þó á vissan hátt við ákveðið öryggi þar sem...