Stoppleikhópurinn sýnir Hústökuna

Stoppleikhópurinn sýnir Hústökuna

Laugardaginn 28. apríl sl. frumsýndi Stoppleikhópurinn Hústökuna, nýtt leikverk eftir Hrund Ólafsdóttur. Aðeins verður ein sýning til viðbótar og er hún í kvöld, miðvikudaginn 2. maí kl. 20.00. Leikstjórn og aðlögun fyrir leiksvið er í höndum Valgeirs Skagfjörð sem jafnframt semur tónlistina. Sýnt er í Leikhúsinu við Funalind 2 í Kópavogi.

Bakgrunnur verksins er búsáhaldabyltingin 2008-2009 en í verkinu segir frá ungum manni sem fellur fyrir stúlku sem brennur af hugsjónum um betri heim. Hann fer að mæta á mótmælafundi og starfa með aðgerðarsinnum, en þegar hópurinn sest að í auðu húsi leiða atvik til þess að lögreglumaður slasast alvarlega og liggur í dái á sjúkrahúsi. Á meðan á lögreglurannsókn fer fram og unga fólkið er handtekið vegna gruns um að eiga þar hlut að máli lýsir ungi maðurinn aðdraganda þess að lögreglumaðurinn slasast. Í kjölfarið vakna upp vangaveltur um hvernig maður mótar sér skoðanir í lífinu á mönnum og málefnum.

Leikarar eru Eggert Kaaber, Ingi Hrafn Hilmarson, Katrín Þorkelsdóttir og Ólöf Jara Skagfjörð.

Sýningin tekur um 50 mínútur í flutningi.

Miðaverð 1500 kr. Miðapantanir í síma 898-7205 eða eggert@centrum.is

{mos_fb_discuss:2}

0 Slökkt á athugasemdum við Stoppleikhópurinn sýnir Hústökuna 242 02 maí, 2012 Allar fréttir maí 2, 2012

Áskrift að Vikupósti

Karfa