Author: lensherra

Laugardaginn 28. apríl sl. frumsýndi Stoppleikhópurinn Hústökuna, nýtt leikverk eftir Hrund Ólafsdóttur. Aðeins verður ein sýning til viðbótar og er hún í kvöld, miðvikudaginn 2. maí kl. 20.00. Leikstjórn og aðlögun fyrir leiksvið er í höndum Valgeirs Skagfjörð sem jafnframt semur tónlistina. Sýnt er í Leikhúsinu við Funalind 2 í Kópavogi. Bakgrunnur verksins er búsáhaldabyltingin 2008-2009 en í verkinu segir frá ungum manni sem fellur fyrir stúlku sem brennur af hugsjónum um betri heim. Hann fer að mæta á mótmælafundi og starfa með aðgerðarsinnum, en þegar hópurinn sest að í auðu húsi leiða atvik til þess að lögreglumaður slasast...

Tímamótaverk Samuel Beckett, Beðið eftir Godot, verður frumsýnt í flutningi Pörupilta á Litla sviði Borgarleikhússins næstkomandi laugardag 5. maí. Árni Ibsen er þýðandi verksins og leikstjórn er í höndum Kristínar Jóhannesdóttur. Leikarar sýningarinnar eru pörupiltarnir Hannes, Smári, Nonni Bö og Dóri Maack og tveir drengir. Pörupiltar eru afsprengi Kvenfélagsins Garps sem stofnað var af nokkrum ungum leikkonum árið 2003 og slógu í gegn með uppistandi sínu Homo Erectus fyrr á þessu leikári. Beðið eftir Godot er eitt merkasta leikverk leiklistarsögunnar og olli straumhvörfum í sögu leikritunar. Leikritið lýsir biðinni eftir frelsun, björgun og leiðsögn og er áleitin lýsing á...

Leikfélag Kópavogs sýndi nýtt íslenskt leikverk Hringinn í febrúar og mars síðastliðnum. Nú hefur verið ákveðið að bjóða upp á aukasýningar í byrjun maí. Verkið er eftir Hrefnu Friðriksdóttur, leikstjóri er Hörður Sigurðarson, Sváfnir Sigurðarson leggur til tónlist og hljóðmynd og Skúli Rúnar Hilmarsson hannar lýsingu. Aukasýningar verða fim. 3. maí, fös. 4. maí og sun. 6. maí kl. 20.00. Hringurinn segir frá Evgeníu sem lifir fábrotnu lífi og sinnir tilbreytingasnauðu starfi á opinberri stofnun. Dag einn knýja örlögin dyra hjá henni í mynd rykfallins lögfræðings. Erindi hans er að greina frá fráfalli föðurins sem hún aldrei kynntist og koma til hennar...

Leikfélag Sauðárkróks frumsýnir Tveir tvöfaldir eftir Ray Cooney í þýðingu Árna Ibsen á opnunardegi Sæluvikunnar þann 29. apríl næstkomandi í Félagsheimilinu Bifröst á Sauðárkróki. Leikstjóri er Ingrid Jónsdóttir. Leikfélag Sauðárkróks hefur áður sýnt leikrit eftir Ray Cooney, Með vífið í lúkunum, 2006 og Viltu finna milljón?, 2008, auk þess að frumflytja Ray Cooney á íslensku leiksviði árið 1978 er félagið setti upp leikritið Eltu mig, félagi. Tveir tvöfaldir er dæmigerður farsi sem gerist á Hótel Höll, en þangað fer alþingismaðurinn Ormur Karlsson ásamt konu sinni Pálínu til að slaka á undir lok þingsins. Við bætist Hreinn, aðstoðarmaður Orms og...