Author: lensherra

Föstudagskvöldið 7. nóvember kl. 20.30 frumsýnir Leikfélag Rangæinga Fullkomið brúðkaup eftir Robin Hawdon í Hellubíói á Hellu. Leikstjóri er Ármann Guðmundsson og Örn Árnason þýddi verkið. Fullkomið brúðkaup er sprúðlandi farsi þar sem mannlegur breiskleiki og illa ígrundaðar lygar koma af stað atburðarás sem getur ekki endað nema á einn veg. Með ósköpum. Verkið greinir frá Bjarna sem vaknar að morgni brúðkaupsdags síns, eftir svaðalegt steggjapartý, í brúðarsvítu Stracta hótels á Hellu, með ókunnuga og nakta stúlku sér við hlið. Þar sem hann getur ekki fyrir sitt litla líf munað hvað gerðist um nóttina verður hann að taka skýringar...

Leiksýning Vesturports Hamskiptin verður sýnd í allra síðasta sinn í Þjóðleikhúsinu miðvikudaginn 19. nóvember. Með aðalhlutverk í sýningunni fer Gísli Örn Garðarsson. Sýningin hefur nú verið sýnd að nýju við frábærar viðtökur í Þjóðleikhúsinu og er um að gera að festa sér miða á þessa mögnuðu sýningu hið allra fyrsta! Hamskiptin eftir Franz Kafka er ein af þekktustu skáldsögum 20. aldarinnar. Leiksýningin er í senn ógnvekjandi og fyndin en í verkinu segir frá sölumanninum Gregor Samsa, sem vaknar upp einn morguninn í líki risavaxinnar bjöllu. Líf hinnar hversdagslegu Samsafjölskyldu breytist á svipstundu í einkennilega martröð. Hamskiptin er mögnuð leikhúsupplifun...

Uppselt er á síðustu sýningu, föstudag 7. nóv. á Elskhuganum eftir Harold Pinter sem Leikfélag Kópavogs hefur sýnt undanfarið. Bætt hefur verið við aukasýningu þriðjudaginn 11. nóvember. Viðtökur gesta hafa verið mjög góðar og má m.a. benda á lofsamlega umsögn Árna Hjartarsonar hér á Leiklistarvefnum en hann segir að Elskhuginn sé „… sýning sem áhugafólk um leiklist og leikhús ætti ekki að missa af.“Miðapantanir eru á midasala@kopleik.is eða í síma 554 1985. Nánar á...

Útlenski drengurinn er gamanleikur með alvarlegum undirtóni fyrir stálpaða krakka sem fullorðna. Dóri DNA leikur Dóra litla sem er vinsælasti strákurinn í bekknum þangað til hann er látinn taka svokallað Pítsa próf sem snýr öllu lífi hans umsvifalaust á hvolf. Hann er sviptur grundvallarmannréttindum og látinn bíða örlaga sinna innilokaður í myrkvaðri skólastofu. Verkið veltir upp spurningum um ríkisfang, einelti og þá tilfinningu að upplifa sig utangarðs. Uppistandarinn og leikhúsmaðurinn Halldór Halldórsson, betur þekktur sem Dóri DNA, leikur sitt fyrsta stóra hlutverk á sviði íÚtlenska drengnum eftir Þórarinn Leifsson í Tjarnarbíó í haust. Það er leikhópurinn Glenna undir stjórn Vigdísar Jakobsdóttur sem setur verkið á svið. Frumsýning...