Author: lensherra

„Í húsinu á horninu á heima skrýtið fólk …“ – svona hefst upphafssöngur leikritsins Fróði og allir hinir gríslingarnir eftir Ole Lund Kirkegaard sem Leikfélag Kópavogs frumsýnir næstkomandi laugardag. Og þetta er vægt til orða tekið! Í téðu húsi búa m.a. ástsjúkar ungfrúr, geðstirður kall og kátir krakkar sem finna upp á ýmsu sem fullorðna fólkinu finnst að þau ættu bara alveg að láta eiga sig. En þegar skelfileg innbrotaalda ríður er brýnt að allir snúi bökum saman og klófesti þjófinn á hlaupahjólinu! Og þá reynast Fróði og félagar betri en enginn. Sagan um Fróða og alla hina gríslingana...

Leikfélag Hörgdæla frumsýnir tryllingsfarsann Sex í sveit eftir Marc Camelotti fimmtudaginn 1. mars. Hörður Sigurðarson leikstýrir verkinu sem er í þýðingu og staðfærslu Gísla Rúnars Jónssonar. Sex leikarar taka þátt í uppsetningunni en auk þeirra kemur fjöldi annarra við sögu bak við tjöldin. Benedikt býður hjákonunni Sóleyju í bústaðinn norður í landi þegar eiginkonan Þórunn ákveður óvænt að vera þar líka. Benedikt neyðir Ragnar besta vin sinn til að þykjast vera kærasti Sóleyjar svo Þórunni gruni ekki neitt en það sem Benedikt veit ekki er að Ragnar og Þórunn eiga í ástarsambandi. Og þetta er bara upphafið á flækjunni....

Gamansöngleikur með ABBA-lögum á Breiðumýri. Leikdeild Eflingar frumsýnir gamansönleikinn Stöngin inn, eftir Guðmund Ólafsson í félagsheimilinu á Breiðumýri í Reykjadal föstudaginn 23. febrúar klukkan 20:30. Leikstjóri er Vala Fannell og tónlistarstjóri Jaan Alavere. Verkið gerist í litlu sjávarþorpi þar sem konur bæjarins ákveða að setja eiginmenn sína í kynlífsbann nema þeir hætti að horfa á enska boltann. Sýningar: Frumsýning – föstudagur 23. febrúar kl. 20:30 2. sýning – sunnudagur 25. febrúar kl. 17:00 3. sýning – fimmtudagur 1. mars kl. 20:30 4. sýning – föstudagur 2. mars kl. 20:30 5. sýning – föstudagur 9. mars kl. 20:30 6. sýning...

Freyvangsleikhúsið setur nú upp leikritið Þrek og tár, eitt af ástsælustu verkum Ólafs Hauks Símonarsonar. Leikstjóri er Ólafur Jens Sigurðsson og tónlistarstjóri Ingólfur Jóhannsson. Í upphafi verksins hittum við Davíð, ungan og hæfileikaríkan tónlistarmann, sem snýr aftur heim til Íslands eftir nám erlendis og hann tekur okkur í ferðalag til liðinna tíma. Við göngum inn í minningar hans um Reykjavík við upphaf sjöunda áratugarins og gleðjumst og syrgjum með fjölskyldu hans í lífi og starfi, vinum þeirra og nágrönnum sem hver og einn á sína sögu. Tónlistin er í hávegum höfð í fjölskyldunni og hér hljóma lög eins og Þrek...