Author: lensherra

Samtal við leikhús er málfundaröð til heiðurs Vigdísi Finnbogadóttur þar sem atvinnuleikhúsfólk og fræðimenn koma saman og ræða uppsetningar á leikverkum sem eru í sýningu hjá leikhúsunum. Viðburðurinn er að þessu sinni tileinkaður Jónsmessunæturdraumi eftir breska leikskáldið William Shakespeare sem nú er verið að sýna í Þjóðleikhúsinu. Hvaða erindi á verkið við okkur í dag? Hvernig nálgast leikstjóri uppsetningu verksins? Hvernig vinnur þýðandinn úr textanum? Þessum spurningum og fleirum verður velt upp í Veröld þann 8. apríl. Í pallborði verða Hilmar Jónsson leikstjóri, Ólafía Hrönn Jónsdóttir leikkona, Eva Signý Berger leikmyndahöfundur og Þórarinn Eldjárn þýðandi. Ingibjörg Þórisdóttir dramatúrgur og...

Leikdeild Eflingar í Reykjadal, Þingeyjarsveit frumsýndi Brúðkaup eftir Guðmund Ólafsson, í leikstjórn Völu Fannell og tónlistarstjórn Jaan Alavere þann 9. febrúar síðastliðinn. Verkinu var mjög vel tekið og eru sýningar nú orðnar 15, flestar fyrir fullu húsi og síðasta sýningarhelgi er framundan. 17 leikarar taka þátt í verkinu ásamt 4 manna hljómsveit auk fjölmargra annara sem að verkinu koma bak við tjöldin. 16. sýning laugardaginn 30. mars kl 15:00 Uppselt 17. sýning laugadaginn 30. mars kl. 18:30 18. sýning  sunnudaginn 31. mars kl. 20:30 lokasýning og jafnframt styrktarsýning fyrir Arnar Frey Ólafsson ungan mann í Þingeyjarsveit sem barist hefur...

Ávarp í tilefni af Alþjóðadegi leiklistarinnar – Tyrfingur Tyrfingsson Það er fræg sagan af íslenskri leikkonu á 20. öld sem fékk hlutverk Soffíu frænku í Kardemommubænum og sló í gegn, þannig að í næstu uppfærslu á allt öðru leikriti ákvað hún að leika Soffíu frænku bara aftur. Og í næstu uppfærslu aftur. Þeir segja að hún hafi gert Soffíu frænku úr öllum persónum síðan og að um sjötugt hafi þær Soffía runnið í eitt og orðið sama konan. Hún er minna fræg sagan af vinkonu minni sem mætir í fermingarveislur í karakter. Í ár keypti hún sér mussu og...

Síðustu sýningar á Saumastofunni hjá Leikfélagi Ölfuss verða í þessari viku, þri. 26.  og fös. 29. mars.  Saumastofan var frumsýnd í byrjun febrúar og hefur verið afar vel tekið. Í umfjöllun segir Harpa Rún Kristjánsdóttir m.a.: „Saumastofan er bráðfyndin sýning og var auðheyrt á salnum að sú skoðun var almenn. Hún er líka beitt og á köflum grátbrosleg. Sögur persónanna snerta áhorfendur og í þeim er gjarnan broddur og gagnrýni sem á við enn í dag.“ Miðapantanir eru í síma 692-0939 milli kl. 17-20 og á midasalalo@gmail.com. Miðaverð er kr. 2500. Sýnt er í...

Síðustu sýningar á Ástandinu sem Halaleikhópurinn hefur sýnt undanfarið verða 23. mars kl. 17.00 og 24. mars kl. 17.oo. Aðeins örfáir miðar eru lausir á þessar síðustu sýningar. Leikritið fjallar um fjórar vinkonur sem hittast á kaffihúsi 50 árum eftir hernámið og rifja upp sögur sínar frá þeim árum. Þær eiga sér sameiginlegar minningar því að allar hafa þær orðið ástfangnar af hermönnum sem hér dvöldu á hernámsárunum. Sögur sem þær hafa sumar ekki getað sagt frá fyrr um hvernig líf þeirra var þá og nú. Ýmsar aðrar persónur koma einnig við sögu sem settu svip sinn á borgarbraginn...