Leikstjórn með ungu fólki

Leikstjórn með ungu fólki

Námskeið í samstarfi Símenntunar Háskólans á Akureyri og Listaháskóla Íslands.

Fyrir hverja: Námskeiðið nýtist kennurum, listafólki og þeim sem vinna að leiklist með börnum og ungmennum.
Í námskeiðinu verður veitt innsýn í starf leikstjórans í gegnum verklegar æfingar og hópvinnu. Nemendur fá tækifæri til þess að sviðsetja stuttar senur undir leiðsögn atvinnuleikstjóra. Sérstök áhersla verður lögð á aðferðir sem hæfa vinnu með börnum og ungu fólki.

Kennari: Bjarni Snæbjörnsson.
Bjarni Snæbjörnsson er menntaður leikari (LHÍ 2007) og er með MA gráðu í leiklistarkennslu frá Listaháskóla Íslands (2015). Hann hefur verið fastráðinn leiklistarkennari í Fjölbrautaskólanum í Garðabæ síðastliðin ár þar sem hann hefur þróað leiklistarbraut fyrir framhaldsskóla. Bjarni hefur leikstýrt fjöldamörgum sýningum með ungu fólki og leikið í atvinnuleikhúsi.

Til að mæta sem best þörfum þátttkenda hefur Bjarni áhuga á að heyra frá væntanlegum þátttakendum hvort þeir hafa einhverjar sérstakar óskir um áherslur á námskeiðinu. Reynsla hans liggur m.a. í:
– að vinna með jafningjamat í leiklist / þjálfa uppbyggilega endurgjöf innan hópsins,
– frumsköpun út frá áhugasviði nemenda,
– leiklistaræfingar / upphitun / leikir sem hafa listrænan tilgang,
– spunaæfingar og áhersla á lífræna spuna.

Þá vinnur Bjarni alltaf með valdeflingu nemenda í kennslustofunni og leggur mikla áherslu á uppbyggilegt og öruggt vinnuumhverfi.

Hægt er að fá frekari upplýsingar um efni námskeiðsins hjá Bjarna: bjarnisnae@gmail.com

Tími: Fös. 9. feb. kl. 13-17. og lau. 10. feb. kl. 9-16.

Verð: 37.500 kr.

Staður: Sólborg, Háskólanum á Akureyri

Hægt að skrán þátttöku hér.

0 Slökkt á athugasemdum við Leikstjórn með ungu fólki 278 18 janúar, 2018 Allar fréttir, Viðburðir, Vikupóstur janúar 18, 2018

Áskrift að Vikupósti

Karfa